21:02, 05 - شىلدە 2022 | GMT +6
ناتو- نىڭ قۇرامى تاعى تولىعاتىن بولدى
نۇر-سۇلتان.قازاقپارات - فينليانديا مەن شۆەتسيانىڭ سىرتقى ىستەر مينيسترلەرى ناتو- عا كىرۋ تۋرالى پروتوكولعا قول قويدى.
بۇل تۋرالى ۇيىمنىڭ باس حاتشىسى يەنس ستولتەنبەرگ مالىمدەدى، دەپ حابارلايدى «حابار 24». ەندى اليانس قۇرامىنداعى 30 مەملەكەت اتالعان قۇجاتتى راتيفيكاتسيالاعان سوڭ ەكى ەل ناتو- نىڭ تولىققاندى مۇشەسى اتانادى.
ەستەرىڭىزدە بولسا، حەلسينكي مەن ستوكگولم اسكەري وداققا مۇشە بولۋ تۋرالى ءوتىنىشتى مامىردىڭ ورتاسىندا جولداعان ەدى. باستاپقىدا تۇركيا فينليانديا مەن شۆەتسيانىڭ ناتو- عا قوسىلۋىنا قارسىلىق بىلدىرگەن بولاتىن. ءبىراق كەيىن تاراپتار ورتاق كەلىسىمگە كەلدى.
www.24.kz