قۇربان ايتتا ەلوردالىقتار ءۇشىن بىرنەشە مال سويۋ پۋنكتى قىزمەت كورسەتەدى
قاسيەتتى مەرەكەنىڭ العاشقى كۇنى تاڭەرتەڭنەن باستاپ ەلوردا مەشىتتەرىندە «ايت نامازى» وقىلادى.
بۇل تۋرالى قالالىق ءدىن ىستەرى باسقارماسىنىڭ باسشىسى نۇرداۋلەت ءالمۇحانوۆ ءمالىم ەتتى، دەپ حابارلايدى قازاقپارات استانا اكىمدىگىنىڭ رەسمي سايتىنا سىلتەمە جاساپ.
نۇر-سۇلتاندا بەكىتىلگەن مال سويۋ ورىندارىندا قۇرباندىق شالۋ ساعات 8:00 دەن 18:00 گە دەيىن وتەدى.
سونداي-اق، بۇل ءراسىمدى «QURBAN2022.kz» - قازاقستان مۇسىلماندارى ءدىني باسقارماسىنىڭ سايتى ارقىلى دا ونلاين جاساۋعا بولادى.
مال سويۋ ورىندارى كەلەسى مەكەنجايدا ورنالاسقان.
بايقوڭىر اۋدانى بويىنشا:
1. «جايلاۋ» بازارى، الاش تاس جولى، س 313 كوشەسى («شارىن» بازارىنىڭ ارت جاعى)
2. «شانحاي» بازارى، الاش تاسجولى، 34/6 («كوك بازار» بازارىنىڭ ارت جاعى)
3. «شوپان اتا» بازارى، («رۋبيكوم» جانە ءامىر بازارىنىڭ ورتاسى)
4. «باراكات» بازارى، ا 369 كوشەسى، 10№ عيمارات
5. «شاۋشەن» شارۋا قوجالىعى، الاش تاسجولى، 136 ب
6. «تەمەش» شارۋا قوجالىعى، اينالما جول، 229، 1ا
سارىارقا اۋدانى بويىنشا:
«ۇلجان» امبەباپ بازارى، ن. تىلەنديەۆ كوشەسى، 24 (بۇرىنعى «سايانۇر» بازارى)
قۇربان ايت كۇندەرى قۇرباندىق شالۋ جانە تاعى باسقا دا ساۋالدار بويىنشا اقپارات الۋ ءۇشىن تاۋلىك بويى «109» Call-ورتالىعى جۇمىس ىستەيدى.