ءبىرتانوۆ پرەزيدەنتتەن كومەك سۇرادى
«ق ر پرەزيدەنتى ق. ك. توقايەۆقا ەل مۇددەسىنە، سونىڭ ىشىندە ەكونوميكالىق مۇددەگە قاۋىپ توندىرەتىن زاڭسىزدىقتى توقتاتۋدى سۇرايمىن. بۇگىن ەلوردانىڭ سارىارقا سوتىندا ەريكسون نيكولا تەسلا كومپانياسىنىڭ قىزمەتكەرلەرىنە، دەنساۋلىق ساقتاۋ مينيسترلىگىنە جانە باسقا ادامدارعا قاتىستى الاياقتىق تۋرالى باسقا قىلمىستىق ىسپەن بىرىكتىرۋ ءۇشىن ءبىزدىڭ قىلمىستىق ءىستى قوسىمشا قايتا تەرگەۋ تۋرالى ءوتىنىش بىلدىردىك، ياعني كەلىسىمشارت بويىنشا جۇمىستاردى ورىنداماۋ جانە ول ءۇشىن تولەم الۋ»، - دەدى ول.
بۇرىنعى ءمينيستردىڭ سوزىنشە، قىلمىستىق ءىس ەكى بولىككە بولىنگەن.
«قارجى مونيتورينگى اگەنتتىگى ءبىزدىڭ ءىسىمىزدى بىلتىر شىلدەدە زاڭسىز تۇردە ەكى ءتۇرلى ىسكە ءبولدى. مەنىڭ ويىمشا، تەك ءبىر ماقسات بولدى - ەريكسوننىڭ ءبىزدىڭ سوتتا ءوز ۇستانىمىن دالەلدەۋىنە جول بەرمەۋ. بۇل دەرەك مۇقيات جاسىرىلعان، ايتپەسە ەريكسون مۇنى 2021-جىلعى 9- قىركۇيەكتەگى ءسىزدىڭ اتىڭىزعا جولداعان حاتىندا ايتقان بولار ەدى. ەريكسون ءارقاشان بارلىق كەلىسىمشارتتىق مىندەتتەمە ورىندالعانىن جانە قازاقستاندىق اقپاراتتىق جۇيەلەردى دايىنداۋ اياقتالعاننان كەيىن جوبانى اياقتاۋدان تارتىنبايتىنىن ءۇزىلدى-كەسىلدى كورسەتەدى. ەريكسون ءتىپتى حالىقارالىق تورەلىك سوتتا ءوز ۇستانىمىن قورعاۋعا دايىن ەكەنىن ەسكەرتتى. الايدا تەرگەۋ بۇل ۇستانىمدى ەلەمەدى، ءتىپتى 2021-جىلعى مامىردا باس پروكۋراتۋرا تاعايىنداعان ەريكسون قاتىساتىن ساراپتاما جۇرگىزىلمەدى»، - دەدى ەكس-مينيستر.
ول پرەزيدەنتتەن وسى ىسكە ارالاسۋىن سۇرادى.
«ەندى ءبىز سوتتا ءىستى قاراۋمەن قاتار، ا ف م ەريكسون نيكولا تەسلاعا قاتىستى الاياقتىق تۋرالى تاعى ءبىر تەرگەۋ جۇرگىزىپ جاتقانىن بىلدىك. بيىل مامىردا ا ف م ءتوراعانىڭ ءبىرىنشى ورىنباسارىنىڭ قول قويۋىمەن ەريكسون نيكولا تەسلا كومپانياسىن حورۆاتياداعى ق ر ەلشىلىگى ارقىلى كومپانيا قىزمەتكەرلەرىنە قاتىستى قانداي دا ءبىر قىلمىستىق تەرگەۋ جوقتىعىن حاباردار ەتتى. نەلىكتەن لاۋازىمدى تۇلعا شەتەلدىك كومپانيانى اداستىرادى؟ ءبىزدىڭ ءىسىمىزدى تولىق جانە وبەكتيۆتى زەرتتەۋ ءۇشىن پلاتفورماعا قايتا تاۋەلسىز ساراپتاما جۇرگىزۋ قاجەت ەكەنى انىق. سوندىقتان ءبىز ءىستى قوسىمشا تەرگەۋگە قايتارۋدى تالاپ ەتەمىز. ايتپەسە، ولجاس ابىشيەۆ ەكەۋمىز باسقا ىستە تەك تەرگەۋ جۇرگىزىلىپ جاتقانى ءۇشىن سوتتالامىز! قۇرمەتتى قاسىم-جومارت كەمەل ۇلى، ءبىزدىڭ سوتتا ەل مۇددەسىنە قاۋىپ توندىرەتىن اشىق زاڭسىزدىققا ارالاسۋىڭىزدى سۇرايمىن»، - دەدى ول.