قازاقستاندىقتاردىڭ ءومىر ءسۇرۋ جاسى ۇزارادى - اجار عينيات
5 شىلدە 16:13

قازاقستاندىقتاردىڭ ءومىر ءسۇرۋ جاسى ۇزارادى - اجار عينيات

نۇر-سۇلتان. قازاقپارات - 2025-جىلعا قاراي سالاۋاتتى ءومىر سالتىن ۇستاناتىن ازاماتتار ۇلەسىن %40 عا دەيىن، ءومىر ءسۇرۋ ۇزاقتىعىن 75 جاسقا دەيىن ۇلعايتۋ جوسپارلانعان.

بۇل تۋرالى ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.

«حالىقتىڭ ءومىر ءسۇرۋ ساپاسىن جاقسارتۋ ءۇشىن «دەنى ساۋ ۇلت» ۇلتتىق جوباسى قابىلداندى. وندا قولجەتىمدى جانە ساپالى مەديتسينالىق كومەكتى، ءدارى-دارمەكپەن قامتاماسىز ەتۋ، پروفيلاكتيكالىق، ونىڭ ىشىندە اۋىل حالقى ءۇشىن قاراپ- تەكسەرۋ مەن سكرينينگتەردى جۇرگىزۋ، پسيحيكالىق جانە رەپرودۋكتيۆتىك دەنساۋلىقتى ساقتاۋ قىزمەتتەرىن كورسەتۋ ءۇشىن جاستار دەنساۋلىق ورتالىقتارىنىڭ قولجەتىمدىلىگى جونىندەگى شارالار ىسكە اسىرىلادى»، - دەدى ا. عينيات ۇكىمەتتىڭ بۇگىنگى وتىرىسىندا.

سونداي-اق سالاۋاتتى ءومىر سالتىن قالىپتاستىرۋ، الكوگول، تەمەكى ونىمدەرىن تۇتىنۋدى قىسقارتۋ، ينفەكتسيالىق جانە ينفەكتسيالىق ەمەس اۋرۋلاردى تومەندەتۋ، جاراقاتتانۋدىڭ الدىن الۋ جانە سالاماتتى ءومىر سالتىن قالىپتاستىرۋ ماسەلەلەرى بويىنشا اقپاراتتىق-ءتۇسىندىرۋ جۇمىستارى جۇرگىزىلەدى.

«قابىلدانعان شارالار ناتيجەسىندە 2025 جىلعا قاراي سالاماتتى ءومىر سالتىن ۇستاناتىن ازاماتتار ۇلەسىن %40 عا دەيىن، ءومىر ءسۇرۋ ۇزاقتىعىن 75 جاسقا دەيىن ۇلعايتۋ، ينفەكتسيالىق ەمەس اۋرۋلاردى %7 عا دەيىن تومەندەتۋ، مەديتسينالىق وڭالتۋ قىزمەتتەرىمەن %75 عا دەيىن قامتۋ كۇتىلەدى»، - دەدى اجار عينيات.

جاڭالىقتار