مەكتەپ ديرەكتورلارى بوس جۇمىس ورىندارىن جاسىرىپ ۇستايدى - اسحات ايماعامبەتوۆ

نۇر-سۇلتان. قازاقپارات - مەكتەپ ديرەكتورلارى بوس جۇمىس ورىندارىن جاسىرىپ ۇستايدى. بۇل تۋرالى ق ر وقۋ-اعارتۋ ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«بىزدە مەكتەپتە بار كوپتەگەن بوس ورىندى ديرەكتورلار كورسەتپەيدى. ونى ءبىز جاقسى بىلەمىز. جاسىرىپ ۇستايدى. تاريفيكاتسيا جاساعان كەزدە ورىن بار دەپ كورسەتىپ قويادى. ءبىراق زاڭ بەكىتكەندەي، ءتيىستى ورگاندارعا، ەڭبەكپەن قامتۋ ورگاندارىنا كورسەتپەيدى. ەشكىمگە اشىق ايتپايسىزدار. قىركۇيەك ايى وتكەننەن كەيىن، ءبىراز ۋاقىتتان سوڭ «ادام كەلمەدى، مۇعالىم تاپپادىق» دەپ، سول بار ساعاتتاردى ىشتەگى جۇمىس ىستەپ جۇرگەن مۇعالىمدەرگە ءبولىپ بەرەسىزدەر. بۇل - زاڭسىزدىق. مۇندايعا زاڭمەن كوزدەلگەن جاۋاپكەرشىلىك، ونىڭ ىشىندە اكىمشىلىك تە جاۋاپكەرشىلىك بار. ول بوس ساعاتتى بولگەن كەزدە دە تاۋەكەل كوپ جانە وبەكتيۆتى جۇمىس جۇرمەيدى. ونى دا بىلەمىز»، - دەپ اتاپ ءوتتى اسحات ايماعامبەتوۆ مينيسترلىكتىڭ اپپارات جينالىسىندا.

ونىڭ اتاپ وتۋىنشە، ءبىر ستاۆكانى 4-5 مۇعالىمگە ءبولىپ بەرۋ جاعدايلارى دا كەزدەسەدى.

«سوندا قازاق ءتىلى بولسىن، ماتەماتيكا بولسىن، 1 ستاۆكانى، 16 ساعاتتى بەس ادامعا ءبولىپ بەرۋگە بولادى. ءبىر سىنىپتا ماتەماتيكانى وتكىزگەن كەزدە ەكى نە ءۇش مۇعالىم وتە مە؟ مۇنداي زاڭسىزدىققا قالاي بارۋعا بولادى؟ بىرنەشە وبلىستا 1,5-2 ستاۆكامەن جۇمىس ىستەيتىن ادام كوپ ەكەن. ءبىر جاعىنان قاراساق، 40-50 پايىزى 1 ستاۆكادان ارتىق جۇكتەمەمەن وتىر، ونىڭ ىشىندە 10-20 پايىزىندا ءتىپتى جۇكتەمە جوق. مۇنى قالاي تۇسىنۋگە بولادى؟ جۇمىسقا ادامداردى ءبىز بەكىتكەن ءتارتىپتى بۇزىپ الاتىندار بولسا، وندا جاۋاپكەرشىلىككە تارتامىز. ماقسات - مەكتەپتەردى ءبىلىمدى، بىلىكتى پەداگوگتەرمەن قامتاماسىز ەتۋ. مۇعالىمدەردى اشىق ءارى ءادىل كونكۋرس ارقىلى جۇمىس الۋىمىز كەرەك»، - دەدى مينيستر.