قازاقستان «جىبەك جولى» كەمەسىن جالعا العان رەسەيلىك كومپانيامەن كەلىسىمشارتتى بۇزۋى مۇمكىن - مينيستر

نۇر- سۇلتان. قازاقپارات - يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ۇكىمەت كۋلۋارىندا قازاقستان «جىبەك جولى» كەمەسىن جالعا العان رەسەيلىك كومپانيامەن كەلىسىمشارتتى بۇزۋى مۇمكىن ەكەنىن ايتتى، دەپ حابارلايدى قازاقپارات ءتىلشىسى.

«ەگەر كەمە قازاقستاندا جانە حالىقارالىق دەڭگەيدە قابىلدانعان قۇقىقتىق نورمالارعا سايكەس كەلمەيتىن قىزمەتپەن (تاسىمالداۋمەن) اينالىسسا، ارينە، ونداي كەلىسىمشارت بۇزىلىپ، كەمە كەرى قايتارىپ الىنادى»، - دەدى وسكەنبايەۆ.

ەسكە سالساق، تۇركياداعى ۋكراينا ەلشىسى ۆاسيلي بودنار قازاقستاندىق «جىبەك جولى» كەمەسىمەن تاسىمالدانعان استىق جونىندە جەرگىلىكتى بيلىككە جۇگىنگەنى حابارلانعان بولاتىن. «قازاقستان تەمىر جولى» ۇلتتىق كومپانياسى قازاقستاندىق «جىبەك جولى» كەمەسىمەن ۋكراينادان استىق ەكسپورتتالىپ جاتقانىنا قاتىستى پىكىر ءبىلدىردى. سونىمەن بىرگە ق ت ج كەمەنى جالعا الۋشىدان ءمان- جايدى جەدەل ءارى ەگجەي- تەگجەيلى ءتۇسىندىرۋدى سۇرادى.

اۆتور: ەسىمجان ناقتىباي