قاي ۇلت بالاسىن قالاي تاربيەلەيدى؟
5 شىلدە 11:03

قاي ۇلت بالاسىن قالاي تاربيەلەيدى؟

نۇر- سۇلتان. قازاقپارات - شۆەتسيانىڭ بالالارى. شۆەد وتباسىلارى بالاعا ءسابي كەزىنەن جەكە تۇلعا رەتىندە قاراپ، ەركىن تاربيەلەۋگە تىرىسادى. قاتاڭ جازالاۋلارعا تىيىم سالىنعان، ءتىپتى مۇنى بۇل ەلدە قىلمىس دەپ ەسەپتەيدى.

سوندىقتان، ءاربىر شۆەدتىك بالا اكە- شەشەسى وزىنە قول جۇمساسا، پوليتسياعا حابارلاۋعا قۇقىلى. مۇنداي كەزدە اتا- انالارعا اكىمشىلىك تاراپىنان جازا قولدانىلادى.

جاپونيانىڭ بالالارى. جاپونيانىڭ كوپتەگەن مەكتەپتەرىندە اسحانا جوق. بالالار تۇسكى استارىن ۇيدەن ارنايى ىدىسقا سالىپ اكەلەدى. ال، مۇعالىمدەر بولسا، بالالاردىڭ ۇيدەن اكەلگەن تاماقتارى دەنساۋلىققا زيان ەمەس پە، سونى مۇقيات قاداعالايدى. سول سەبەپتى، جاپون انالار ارنايى ساباقتارعا قاتىسادى. ول جەردە بالانىڭ اعزاسىنا قاجەتتى دارۋمەندەر تاماقپەن ءسىڭۋ ءۇشىن، قانداي اس ازىرلەۋ كەرەك جانە قالاي دايارلاۋ كەرەكتىگىن ءتۇسىندىرىپ، ۇيرەتەدى.

ءۇندىستان بالالارى. ۇندىلەر بالالارىن قاتاڭ ۇستايدى. ولاردا اتا- انا مەن بالا اراسىنداعى دوستىق قارىم- قاتىناستى وتە سيرەك كەزدەستىرەسىز. بالالار كىشكەنتاي كەزىنەن باستاپ اتا- اناسىنىڭ تاڭداۋىنا، قالاۋىنا مويىنسۇنىپ وسەدى. سوندىقتان، ەر جەتكەندە نەمەسە بويجەتكەندە اكە- شەشەسى كىمدى قالايدى، سول اداممەن باس قوسادى.

گەرمانيانىڭ بالالارى. گەرمانيا مەكتەپتەرىندە مىندەتتى تۇردە ەكسكۋرسيالىق ساباقتار ۇيىمداستىرىلادى. بۇل - ەجەلدەن قالىپتاسقان جۇيە. مىسالى، مۇعالىم بۇگىن شوكولاد تۋرالى، ونىڭ قۇرامى جونىندە ساباق ءوتتى مە، وندا ەرتەڭ بالالار شوكولاد مۋزەيىنە نەمەسە فابريكاعا ساياحات جاسايدى. ولار فابريكادا ءونىمنىڭ قالاي جاسالىپ جاتقانىن ءوز كوزدەرىمەن كورىپ، بىلەدى.

اۋعانستان بالالارى. بالانىڭ دۇنيەگە كەلگەنى، اسىرەسە ۇل بالانىڭ ءومىر ەسىگىن اشقانى اۋعاندىقتار ءۇشىن - ۇلكەن قۋانىش. اۋقاتتى تۇراتىن وتباسىلار ۇلان- اسىر توي جاسايدى. اۋىلداردا توي ۇستىندە «ات بايلار» ۇلدىڭ قۇرمەتىنە بارابان قاعىلىپ، اسپانعا قارۋمەن وق اتىلادى.

قىتايدىڭ بالالارى. داو ۋاعىزشىلارىنىڭ بالا تۋرالى وسيەتى ءاربىر قىتاي بۇلدىرشىنىنە اڭىز بولىپ ايتىلادى. «بالاعا ءتاتتى جەۋدى ۇسىنعاندا، ول بارلىعىن الۋدان اقىلدىلىقپەن باس تارتادى. نەگە دەگەن سۇراققا: «مەن ءالى كىشكەنتايمىن، سوندىقتان ماعان از عانا بولىگى جەتەدى»، دەپ تۇسىندىرەدى. بالانىڭ وسى قىلىعىن بارلىق قىتاي پەرزەنتىنە ۇلگى ەتەدى، بالامىز قاناعاتشىل، مەيىرىمدى، ادامگەرشىلىگى جوعارى بولىپ ءوسسىن، دەگەنى.

فرانسيا بالالارى. فرانسۋزداردىڭ ەجەلگى ءداستۇرى بويىنشا بالا دۇنيەگە كەلمەي تۇرىپ، ونىڭ تاربيەسىمەن اينالىسۋدى قولعا الۋ كەرەك. كوبىنەسە، ءسابي ومىرگە كەلگەن سوڭ، ول اتا- اناسىمەن اۋىلدا بولادى. بالاقاي ەكى- ءۇش جاسقا دەيىن ءوزىنىڭ اتا- باباسى قونىس تەپكەن اۋىلدا بولىپ، سول جەردىڭ سۋىن ءىشىپ، اۋاسىن جۇتىپ وسەدى. مەيىرىمدى، ادامگەرشىلىگى جوعارى بولىپ ءوسسىن، دەگەنى.

برازيليا بالالارى. برازيليادا بالانى ۇل نەمەسە قىز بالا دەپ بولە- جارماي، بىرگە تاربيەلەگەندى ءجون سانايدى. سول سەبەپتى، بەس جاسقا دەيىن ەر بالالار مەن قىز بالالار بىرگە اسىر سالىپ وينايدى. ال، بەس جاستان كەيىن عانا ولار قىز بالا مەن قىز بالانىڭ، ۇل بالا مەن ۇل بالانىڭ دوستاسۋىنا مۇمكىندىك جاسايدى.

رۋمىن بالالارى. «ۇلكەندەرگە قۇرمەت كورسەتۋ كەرەك»، «اتا- انانى جاقسى كورىپ، سىيلاي ءبىلۋ كەرەك»، سونىمەن بىرگە «ءارقاشان ءادىل بولۋ» كەرەك. مۇنداي ونەگەلى سوزدەردى رۋمىندىقتار بالالارىنا ۇنەمى ۇيرەتىپ وتىرادى. اتا- اجەلەرى نەمەرەلەرىنە اتا- بابالارىنىڭ تاريحىن بايانداپ، رۋمىن حالقىنا ءتان سالت- داستۇرلەردىڭ بەرىك ساقتالۋىنا، باعالانۋىنا جانە مۇنىڭ ءبارى تاربيە ارقىلى ىسكە اسۋىنا كۇشىن سالادى.

لاوس بالالارى. لاوستىقتار بالالارىن وزدەرى تىكەلەي تاربيەلەگەننەن گورى باۋىرلارى، تۋىستارى، باسقا دا جاقىندارىنىڭ ىقپالى ارقىلى اسەر ەتىپ، وسىرگەندى دۇرىس كورەدى. بالالارى ەرجەتىپ ۇيلەنەر جاسقا جەتكەندە دە وسى ءادىستى قولدانادى. ياعني، اتا- اناسى تۋىستارى ارقىلى ءسوزىن جەتكىزىپ، بالالارىنا ۇيلەنۋگە رۇقسات بەرەدى.

ا ق ش بالالارى. جەرگىلىكتى پەداگوگيكا «ءاربىر بالا ءوز بەتىنشە ءومىر ءسۇرىپ ۇيرەنە الۋ كەرەك» دەگەن ۇستانىمدى قولدانادى. سوندىقتان، امەريكاندىق اتا- انالار بالالارىنىڭ قالاۋىنا قارسى شىعا المايدى. ولار مەيرامحاناعا، كوكتەيلگە، ءتىپتى تۇنگى كلۋبقا بارامىن، دەسە دە، اتا- انالار ەرتىپ اپارادى.

افريكا بالالارى (ماساي تايپاسى). ماسايلىقتاردىڭ وزدەرىنشە ءومىر ءسۇرۋ كەستەسى جاسالىپ قويىلعان. ون بەس جاسىندا ۇلدار «ماران» اتانادى. بۇل - اسكەري شەن. ياعني، ول - وسى جاسىنان تايپانى قورعاۋشى ەرجۇرەك ازامات. وتىز جاسىندا وتباسىن قۇرادى جانە بالا- شاعاسىن اسىراۋ ءۇشىن، ءوز الدىنا تابىن- تابىن مال باعادى. قىرىق بەس جاسىندا جاستاردى تاربيەلەۋمەن اينالىسادى، سونىمەن بىرگە تايپا حالقى ءۇشىن جاۋاپتى شەشىمدەر قابىلدايدى. ال، الپىس جاسىندا تايپانىڭ «رۋحاني كوسەمى» بولادى.

جاڭالىقتار