وتاندىق تاكسي قىزمەتى قاشان پايدا بولادى؟
5 شىلدە 09:20

وتاندىق تاكسي قىزمەتى قاشان پايدا بولادى؟

نۇر- سۇلتان. قازاقپارات - استانا تۇرعىنى الەكساندر جولاۋشى تاسىمالداۋمەن اينالىساتىن كوپ قازاقستاندىقتىڭ ءبىرى. رەسمي تاكسي قىزمەتىندە 5 جىلدان بەرى جۇمىس ىستەپ كەلەدى، دەپ حابارلايدى «حابار 24».

كولىك تە، جولاۋشى دا ساقتاندىرىلعان. كۇنىنە 15-20 تاپسىرىس قابىلدايدى. جانارماي مەن وزگە دە شىعىندى قوسپاعاندا شامامەن 20 مىڭ تەڭگە پايدا تابادى.

الەكساندر اندرەيەۆيچ، قالا تۇرعىنى:

- تاپسىرىستىڭ 15 پروتسەنتىن عانا تولەيمىز. بۇدان باسقا جارنا جوق. ايىنا 25 كۇن جۇمىس ىستەيمىن. 4 كۇن دەمالامىن. زەينەت جاسىنا جاقىنداپ قالدىم. تۇراقتى جۇمىسىم جوق. سوندىقتان رەسمي تاكسيدە جۇمىس ىستەپ ءجۇرمىن. مۇندا ءبىرقاتار باسىمدىق بار. ماسەلەن، ءبىز اۆتوبۋس جولىمەن جۇرە بەرەمىز. سول سەبەپتى كەشىكپەيمىز.

مۇرات ءومىرزاق ۇلى دا تاكسي جۇرگىزۋشىسى بولىپ ءوز ءناپاقاسىن تاۋىپ ءجۇر. ول ءبىر كۇندە 30 تاپسىرىسقا دەيىن قابىلداپ ۇلگەرەدى. ءبىراق بۇعان 12 ساعاتتان استام ۋاقىتىن جۇمسايدى. ول رەسمي تاكسي قىزمەتىنىڭ جۇرگىزۋشىسى. سوندىقتان موبيلدى قوسىمشانىڭ كومەگىمەن جۇمىس ىستەيدى. الايدا كومپانيا شەتەلدىك بولعان سوڭ، تابىسىنىڭ ەداۋىر بولىگى ءوزىمىزدىڭ ەمەس، وزگەنىڭ قازىناسىن تولتىرۋعا جۇمسالىپ جاتقانىنا كوڭىلى تولمايدى.

مۇرات ءومىرزاق ۇلى، قالا تۇرعىنى:

ءوزىمىزدىڭ پريلوجەنيەسى بولسا جاقسى بولادى دەپ ويلايمىن. پروتسەنتى دە از بولادى دەپ ويلايمىن. وتاندىق ءونىم بولعان سوڭ پايدا تاباسىڭ دەپ ويلامايمىن يندرايىەرمەن. مىسالى 1000 تەڭگەمەن باراتىن بولسام 150 تەڭگە ۇستايدى.

قازىر جولدىڭ جيەگىندە تۇرىپ، تاكسي ۇستايتىندار از. ەسەسىنە، كولىكتى موبيلدى قوسىمشا ارقىلى شاقىراتىندار كوپ. راس، قازىر باعا قىمبات. ءتىپتى سوڭعى ۋاقىتتا شارىقتاپ كەتتى. الايدا بۇل قاراجاتتىڭ ءبارى جۇرگىزۋشىنىڭ قالتاسىنا كەتىپ جاتقان جوق.

- قازاقستاندا كوپ ادامداردىڭ تىرشىلىگى تاكسي. ۋبەر، يندرايۆەر تاكسي شەتەلگە كەتەدى.

- جولداس جىگىتتەرىم تاكسي قىزمەتىن كورەستەدى. ولار ەندى جۇمىستارى بولماعاننان كەيىن امال جوق. تاكسوۆات ەتۋگە تۋرا كەلەدى. ءبىراق پروتسەنتى كوپ. % 5-10 بولسا تۇسىنىكتى. ال 20-25 پروتسەنت ول ۇلكەن. بىلاي قاراساڭىز تابىسىنىڭ 25 پروتسەنتىن الىپ قويىپ جاتىر عوي. ءوزىمىزدىڭ مەملەكەت اشسا دا وزىمىزدە قالعانى دۇرىس.

- يندرايۆەردەن ولار پودپيسكا رەتىندە تولەنەدى. زاكاز قابىلداۋ ءۇشىن 1000 تەڭگە سالىپ قويام. زاياۆكالاردى قابىلداپ، تاكسوۆات ەتەسىڭ. قازاقستاندا سول وتاندىق تاكسي شىقسا پروتسەنتى از بولادى دەپ ويلايمىن. ءتيىمدى بولار ەدى. كۇنىنەن 15-20 مىڭ تەڭگە.

بۇدان سوڭ «نەگە وتاندىق كومپانيا اشپاسقا» دەگەن زاڭدى ساۋال تۋىندايدى. الايدا سيفرلىق دامۋ ءمينيسترى باعدات مۋسين ءماجىلىستىڭ جالپى وتىرىسىنان كەيىن «قازاقستان نارىعىنا عانا ارنالعان جوبانىڭ ءتيىمسىز ەكەنىن» ايتتى. ءتىپتى، ەلىمىزدەگى باسەكەلەستىك جاعدايىنا توتەپ بەرە الماعان قىتايلىق كومپانيانى مىسالعا كەلتىردى. ال تاكسي قىزمەتى قاۋىمداستىعى وكىلدەرى قازاقستاندىق كاسىپكەرلەر بۇل ماقساتتا قىرۋار قاراجات جۇمساۋعا ءازىر ەمەس دەيدى.

مەدەت قۇرمانوۆ، تاكسي قىزمەتى قاۋىمداستىعىنىڭ ءتوراعاسى:

- پلاتفورماعا 100 مىڭنان اسا - 1 ميلليون دوللارعا دەيىن قاراجات كەتەدى. جازۋدان باسقا ماركەتينگ قىزمەتى بار. نارىققا كىرۋ ءۇشىن باعانى تومەندەتەدى. وعان قوسا بونۋس تولەيدى. رەكلامنىي اكسيالار جاريالايدى. ءبىزدىڭ كاسىپكەرلەر ۇلكەن قاراجات شىعارا المايدى.

وسىدان بارىپ وتاندىق تاكسيدىڭ اۋىلى ازىرگە الىستاۋ ەكەنىن ءتۇسىنۋ قيىن ەمەس. ال سيفرلىق دامۋ مينيسترلىگىنىڭ وكىلدەرى قازاقستاندىق قوسىمشا ازىرلەۋ اسا قىمباتقا تۇسپەيتىنىن ايتادى. ونىڭ ۇستىنە وتاندىق ءونىمدى جاساعان، استانا حابقا تىركەلگەن كاسىپكەر قوسىمشا تابىس سالىعىنان بوساتىلادى دەيدى مينيسترلىكتىڭ دەپارتامەنت باسشىسى.

ميراس زاكەيەۆ، ق ر سيفرلىق دامۋ مينيسترلىگى دەپارتامەنت باسشىسى:

- قوسىمشانى ازىرلەۋگە كوپ قاراجات كەتپەيدى. ازىرلەنگەننەن كەيىن زاڭدى تۇلعا رەتىندە تىركەلۋ كەرەك. ونى اشقاننان كەيىن زاڭدى سالىقتارى بار. ول كومپانيانى اشىپ، زارپلاتا تولەۋ جانە سالىق تولەۋى ءتيىس.

راس، قازاقستاندىق جولاۋشى جۋىق ارادا وتاندىق كومپانيانىڭ قىزمەتىنە جۇگىنە المايتىن سياقتى. ءتىپتى تولىقتاي قازاق ءتىلدى قوسىمشاعا جەتۋدىڭ ءوزى مۇڭ بولىپ وتىر. الايدا وتكەن اپتادا كولىك قىزمەتىن ۇسىناتىن حالىقارالىق IT- پلاتفورمالاردىڭ بىرىندە انا ءتىلىمىزدىڭ قوسىلعانى حابارلاندى. بۇل دا بولسا كوڭىلگە مەدەۋ.

جاڭالىقتار