بالالارعا قوسىمشا قانداي ءبىلىم قاجەت؟
5 شىلدە 09:01

بالالارعا قوسىمشا قانداي ءبىلىم قاجەت؟

نۇر- سۇلتان. قازاقپارات - بۇگىندە مەملەكەتتىك مەكتەپتەردە ءتۇرلى پاندەر وقىتىلاتىنى بەلگىلى. ونىڭ بارلىعى دا مەكتەپ باعدارلاماسىندا بەكىتىلگەن.

ايتالىق بيولوگيا، فيزيكا، حيميا، الگەبرا، ادەبيەت، شەت تىلدەرى ت. ب. وسىنىڭ ءبارى بالا ءبىلىمىن تولىقتىرۋمەن بىرگە كەلەشەكتە ومىرلىك قاجەتتىلىگىن دە وتەۋگە جارايدى.

الايدا كەيبىر عالىمداردىڭ ايتۋىنشا، مەكتەپتەردە مىندەتتى تۇردە وقىتىلاتىن پاندەر قاتارى مازمۇن جاعىنان تولىقتىرىلۋى ءتيىس. ولاردىڭ ءبىرقاتارى مىناداي:

فانتاستيكالىق رومانداردىڭ نەگىزىن جازۋ

مەكتەپتەگى باستاۋىش سىنىپ وقۋشىلارى ءۇشىن ءوز ومىرىنەن شىعارما جازۋ - وتە قىزىق. كوپتەگەن عالىمدار بالانىڭ جەكە ويلاۋ قابىلەتىن دامىتۋ ءۇشىن كلاسسيكالىق ادەبيەتتەردى وقۋ از، ءتىپتى جەكە كىتاپ جازۋعا دا داعدىلاندىرۋ كەرەكتىگىن ايتادى.

قولدانبالى مەحانيكا

ءبىلىم وردالارىندا الگەبرا مەن گەومەتريا ەڭ قيىن ءپان جانە وعان وقۋشىلار سەلقوس قارايدى. ومىردە وسى پاندەردى قولدانا قويۋ ەكىتالاي دەيتىندەردىڭ قاتارى كوپ. الايدا مۇنىڭ دا پايداسىن كورۋ ءۇشىن ناقتى عىلىممەن اينالىساتىندار جەتكىلىكتى. بالالاردى ونەرتاپقىشتىققا باۋلۋ ارقىلى اتالعان ەكى پانگە قىزىعۋشىلىعىن ارتتىرۋعا بولادى. ول ءۇشىن جالاڭ تەوريادان گورى تاجىريبەگە باسا نازار اۋدارۋ كەرەك ەكەن.

كينووندىرىس

كوپتەگەن مەكتەپتە تەاتر ۇيىرمەلەرى بار. ءبىراق وعان بارلىق بالانىڭ قاتىسۋى مىندەتتى ەمەس. ول بالالاردىڭ ورىنداۋشىلىق شەبەرلىكتەرىن جەتىلدىرەدى. وسى جەردە قازىرگى زاماننىڭ ەڭ وزىق قۇبىلىسى كينووندىرىسى دەر بولساق، بولاشاق يەلەرىن كينو ءتۇسىرۋدىڭ قىر- سىرىنا باۋلىعان ءجون. ول تابىس كوزى عانا ەمەس، ەلدى تانىتۋدىڭ تاماشا جولى.

اعىلشىن ءتىلى

قازىرگى الەمدە تۋعان تىلىڭمەن قاتار، وزگە ءتىلدى دە مەڭگەرۋ - وتە ءتيىمدى. ولاردىڭ قاتارىندا اعىلشىن ءتىلى كەز كەلگەن ءتىلدىڭ نەگىزى. ەگەر مەكتەپتە اعىلشىن ءتىلىن جەتىك مەڭگەرسەڭىز، ودان كەيىن يسپان، يتاليان، پورتۋگال، فرانسۋز تىلدەرىن مەڭگەرۋ وڭاي كورىنەدى.

ءدىن تانۋ

مەكتەپ، كوللەدج بىتىرگەن بالالاردىڭ كوپشىلىگى الەمدەگى نەگىزگى دىندەردىڭ نازىك يىرىمدەرىن بىلە بەرمەيدى، ءدىن توڭىرەگىندە تۇسىنىگى از. مۇنى جاقسى ءبىلۋدىڭ پايداسى زور ەكەن. ول تانىم- تۇسىنىكتى كەڭەيتۋمەن بىرگە، مادەنيەتتى بولۋعا جەتەلەيدى.

فيلوسوفيا تاريحى

بالالاردىڭ ءبارى بىردەي فيلوسوفيا عىلىمىن مەڭگەرۋگە ۇمتىلماسى انىق. الايدا فيلوسوفيا نەگىزدەرى ومىردە وتە قاجەت بولاتىنىن ەسكەرگەن ءجون. بارلىق اتاقتى ادامدار فيلوسوفيا عىلىمىن جاقسى مەڭگەرگەن. ايتالىق، سوكرات، پلاتون، اريستوتەل، كونفۋتسي، گاۋتاما، سۋن تسزى جانە باسقالار ءوز زامانىندا وسى سالانى تەرەڭ يگەرىپ، ناتيجەسىندە حالىقتىڭ ىستىق ىقىلاسىنا بولەنگەن.

سپورت

مەكتەپتەردە بالالاردىڭ دەنساۋلىعى ساقتاۋ مەن وسۋىنە سەپتىگى تيەتىن دەنە شىنىقتىرۋ ءپانى بار. ءبىراق ۇل- قىزداردى جۇگىرۋ مەن سەكىرۋ تەز جالىقتىرادى. سوندىقتان ماماندار تانىمال سپورت تۇرلەرىنىڭ تاريحىن وقىتىپ، بالالاردى قىزىعۋشىلىعىنا قاراي سول پاندەردى وقىتۋدى ۇسىنادى.

شاحمات

كوپتەگەن ادامدار شاحمات تاقتاسىنداعى سۇلبالاردىڭ قالاي نە ءۇشىن جۇرەتىندىگىن بىلمەيدى. سوندىقتان دا بولار، دۇنيەجۇزىندە 1000 عانا حالىقارالىق گروسسمەيستەرلەر بار. بارلىق عالىمدار شاحمات ويدى دامىتۋدىڭ مىقتى قۇرالى ەكەندىگىن جوققا شىعارمايدى. كاسىپقوي شاحماتشىلار ناقتى عىلىممەن اينالىسسا، ءوز ءىسىنىڭ شەبەرى بولارى انىق. شاحماتتى جاقسى بىلەتىن بالا ساباقتى دا جاقسى وقيدى دەگەن دە قاعيدا بار.

مۋزىكا

مۋزىكا ساباعى كەز كەلگەن مەكتەپتە بار. سوڭعى ۋاقىتتا بۇل پانگە قىزىعۋشىلىق ارتتى. ەكى بالانىڭ ءبىرى مۋزىكا اسپابىن يگەرىپ، ءانشى بولعىسى كەلەدى. الايدا ۇل- قىزدارعا ءتيىمدىسى كلاسسيكالىق مۋزىكانى يگەرۋ ەكەن. ول - ناعىز مۋزىكانتتاردىڭ الىپپەسى.

جەكپە- جەك ونەرى

دەنە شىنىقتىرۋ پانىنە جەكپە جەك نەگىزدەرىن ەنگىزۋدەن دە ەشكىم ۇتىلمايدى ەكەن. بالالار مىناداي زاماندا قىراعىلىعىن كۇشەيتىپ، ءوزىن ءوزى قورعاي الاتىن بولادى. ءتىپتى ولاردىڭ ءوز كەلەشەگىنە سەنىممەن قاراۋىنا دا وسى ءپان ناقتى كومەكتەسە الادى.

دەرەككوز: aikyn.kz


جاڭالىقتار