اتىراۋدا قۇس تۇماۋىنا قارسى ەكپە باستالدى
4 شىلدە 19:07

اتىراۋدا قۇس تۇماۋىنا قارسى ەكپە باستالدى

نۇر-سۇلتان. قازاقپارات - اتىراۋ وبلىسىندا قۇس تۇماۋىنىڭ تىركەلۋىنە بايلانىستى ءۇي قۇستارىنا ۆاكتسينا سالىنا باستادى.

قالا اۋماعىنداعى ەگۋ جۇمىسىن جۇرگىزۋ ءۇشىن ۆەتەريناريالىق پرەپاراتتاردىڭ رەسپۋبليكالىق قورىنان 6291 دوزا بولىنگەن بولاتىن. قازىر 4 بريگاداعا توپتالعان ۆەتەرينار ماماندار ىسكە كىرىستى. كەشەلى بەرى جەكەمەنشىك قۇس فەرماسىنداعى 2 مىڭعا جۋىق تاۋىق پەن 500 دەي قاز- ۇيرەككە ۆاكسينا ەگىلدى. ماماندار ازىرگە ءۇي قۇستارىنان اۋرۋ بەلگىلەرى انىقتالماعانىن ايتادى. الايدا كاسپي تەڭىزىندە جاعداي كۇردەلى كۇيىندە قالىپ وتىر. «ان-5» دەپ اتالاتىن اسا قاۋىپتى ينفەكسيادان «قاشاعان» كەن ورنىنداعى جاساندى ارالداردا 3 مىڭعا جۋىق شاعالا قىرىلىپ قالدى. سونىمەن قاتار «اقجايىق» مەملەكەتتىك تابيعي رەزەرۆاتىنداعى «شالىگا» ارالىنان دا 2500 دەي قۇستىڭ ولەكسەسى تابىلدى. ازىرگە سىنامانىڭ قورىتىندىسى كۇتىلۋدە. دەگەنمەن ماماندار ولگەن شاعالالاردىڭ اعزاسىندا قۇس تۇماۋىنىڭ بەلگىلەرى بار دەگەندى ايتادى.

مىرزابەك دۇيسەنوۆ، وبلىستىق- اۋماقتىق ينسپەكسياعا قاراستى بيولوگيالىق قاۋىپسىزدىك ءبولىمى باسشىسىنىڭ مىندەتىن اتقارۋشى:

- ءبىرىنشى كەزەكتە اتىراۋ قالاسىندا ەگىپ جاتقان سەبەبىمىز مىنا كاسپيي تەڭىزى قالاعا جاقىن بولعاسىن جەردە. ءبىرىنشى بۋفەرنىي زونا بولعاسىن جولعا قويدىق. قازىرگى تاڭدا 7 وكرۋگتىڭ ءتورت وكرۋگى ەگىلىپ ءبىتتى. قالعان 3 وكرۋگتە ەكپە جۇمىستارى جالعاسىپ جاتىر.

www.24.kz

جاڭالىقتار