الماتى قالاسىنىڭ باس مەملەكەتتىك سانيتاريالىق دارىگەرىنىڭ جاڭا قاۋلىسى شىقتى

الماتى. قازاقپارات - الماتى قالاسىنىڭ باس مەملەكەتتىك سانيتاريالىق دارىگەرى قاسىمحان الپىسباي ۇلىنىڭ كوروناۆيرۋستىق ينفەكتسيانىڭ تارالۋىنىڭ الدىن الۋ جونىندەگى شارالار تۋرالى جاڭا قاۋلىسى شىقتى، دەپ حابارلايدى قازاقپارات ءتىلشىسى.

قاۋلى بويىنشا قالانىڭ اۋدان اكىمدەرى، مەملەكەتتىك ورگاندار، قالالىق كاسىپكەرلەر پالاتاسى (كەلىسىمى بويىنشا)، قۇقىق قورعاۋ جانە ارنايى ورگاندار، مەكەمەلەردىڭ باسشىلارى، جەكە جانە زاڭدى تۇلعالار: باس مەملەكەتتىك سانيتاريالىق دارىگەردىڭ №16 قاۋلىسىن ىسكە اسىرۋدى جالعاستىرۋ، ءاربىر 6 اي سايىن ك ۆ ي- عا قارسى ۆاكتسيناتسيا، ريەۆاكسيناتسيا قاجەتتىلىگى تۋرالى حالىققا بەلسەندى ءتۇسىندىرۋ جۇمىستارىن جۇرگىزۋ، ۆاكسيناعا ءابسوليۋتتى قارسى كورسەتىلىمى بار قىزمەتكەرلەر مەن جۇكتى ايەلدەردى قاشىقتىقتان جۇمىس نىسانىنا اۋىستىرۋ، ك ۆ ي- مەن اۋىراتىن اداممەن جاقىن بايلانىستا بولعان ادامداردى قاشىقتىقتان جۇمىس نىسانىنا اۋىستىرۋ، ءۇي- جايلاردى جەلدەتە وتىرىپ، ۆەنتيلياتسيا مەن اۋانى باپتاۋ جۇيەلەرىن تەكسەرۋدى قامتاماسىز ەتۋلەرى ءتيىس.

سونداي- اق، حالىق كوپ جينالاتىن جابىق ءۇي- جايلاردا (س و و، ساۋدا ۇيلەرى، جابىق بازارلار، ح ق ك و، بانكتەر، كينوتەاترلار، تەاترلار، تسيركتەر، كونتسەرت زالدارى، اۆتوۆوكزالدار، كورەرمەندەرى بار سپورتتىق شارالار، كونفەرەنتسيالار) تاماق ءىشۋ كەزىندە، 5 جاسقا دەيىنگى بالالاردى قوسپاعاندا، قوعامدىق كولىكتە، مەترودا جول ءجۇرۋ، حالىقارالىق جولاۋشىلار تاسىمالى كەزىندە ماسكا كيۋدى ۇسىنۋلارى ءتيىس.

ال قالالىق قوعامدىق دەنساۋلىق ساقتاۋ باسقارماسى ك ۆ ي- مەن اۋىرعان اداممەن جاقىن بايلانىستا بولعان ادامداردى قاشىقتىقتان جۇمىس ىستەۋگە جانە امبۋلاتوريالىق باقىلاۋعا اۋىستىرۋدى، 7 كۇن ىشىندە بمسكك جانە تەلەمەديتسينا ورتالىعى دەڭگەيىندە اۋىرلىعى جەڭىل جانە اسيمپتوماتيكالىق پاتسيەنتتەردى امبۋلاتوريالىق باقىلاۋدى قامتاماسىز ەتۋى ءتيىس. قاۋلى 7-شىلدە، ساعات 00.00-دەن باستاپ كۇشىنە ەنەدى.

ەسكە سالايىق، بۇگىن الماتى كوروناۆيرۋستىڭ تارالۋى بويىنشا «سارى» ايماققا اۋىستى.