نۇر- سۇلتاندا تۋريستىك اقپاراتتىق ورتالىق اشىلادى
4 شىلدە 18:47

نۇر- سۇلتاندا تۋريستىك اقپاراتتىق ورتالىق اشىلادى

نۇر- سۇلتان. قازاقپارات - 2023 -جىلى ەلوردادا تۋريستىك اقپاراتتىق ورتالىق اشىلادى. بۇل تۋرالى نۇر- سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرجان بالتايەۆ ءمالىم ەتتى، دەپ حابارلايدى قازاقپارات ءتىلشىسى.

«كەلەسى جىلى مادەنيەت جانە سپورت مينيسترلىگى Kazakh Tourism ۇلتتىق كومپانياسىمەن بىرلەسىپ، ەلورداداعى Abu Dabi Plaza كەشەنىنىڭ قاسىنان تۋريستىك اقپاراتتىق ورتالىق اشۋدى جوسپارلاپ وتىر. ول جەردە تۋريستەرگە تولىقتاي اقپارات ۇسىنىلادى. سونىمەن قاتار تۋريستىك وپەراتورلاردىڭ كارتاسى، ولار تۋرالى دەرەكتەر قولجەتىمدى بولماق. تۋريستىك ورتالىق اقپاراتتى 4 تىلدە ۇسىنادى»، - دەدى ەرجان بالتايەۆ تىلشىلەردىڭ سۇراعىنا جاۋاپ بەرىپ.

ونىڭ ايتۋىنشا، اتالعان ورتالىقتا تۋريستەر ينتەرنەت پەن كومپيۋتەردى پايدالانىپ جۇمىس ىستەي الادى.

«سونداي- اق، ورتالىقتىڭ ىشىندە ۇلتتىق مادەنيەتتەن حابار بەرەتىن جانە قولونەرشىلەر بۇرىشىن اشۋ ويدا بار. ياعني تۋريستەر ءبىزدىڭ ەلدىڭ مادەنيەتىمەن جاقىنىراق تانىسا الادى»، - دەيدى ول.

ودان بولەك، باسقارما باسشىسى تۋريستىك ورتالىق اشىلعان سوڭ Call ورتالىقتىڭ ىسكە قوسىلاتىنىن تىلگە تيەك ەتتى.

Call ورتالىققا حابارلاسۋ ارقىلى تۋريستەر ءوز سۇراقتارىنا تاۋلىك بويى جاۋاپ الا الادى. ايتا كەتسەك، بۇگىن نۇر- سۇلتان قالاسىندا جاڭا تۋريستىك فوتوالاڭ پايدا بولدى . Neo Nomad - 2022 دەپ اتالاتىن تۋريستىك اكسياعا كەز كەلگەن ادام قاتىسا الادى.


جاڭالىقتار