الماتىداعى باقوردا بازارى ماڭى تاعى ورتەندى
4 شىلدە 17:32

الماتىداعى باقوردا بازارى ماڭى تاعى ورتەندى

الماتى. قازاقپارات - الاتاۋ اۋدانىنداعى «باقوردا» بازارى ماڭىندا كولىك دوڭگەلەكتەرى مەن قوقىس ورتەندى، دەپ حابارلايدى قازاقپارات ءتىلشىسى.

ونىڭ ۆيدەوسى الەۋمەتتىك جەلىدە تارادى. الماتى قالالىق توتەنشە جاعدايلار دەپارتامەنتىنىڭ مالىمەتىنشە، 4-شىلدە كۇنى ساعات 12:32 دە 101 پۋلتىنە الاتاۋ اۋدانى، ىرىستى 46/2، مەكەنجايىندا ءورت شىقانى تۋرالى حابار ءتۇستى.

«وقيعا ورنىنا جاقىن جەردە كەزەكشىلىك اتقارعان ءورت ءسوندىرۋ بولىمشەلەرى ساناۋلى مينۋتتا جەتتى. ولار كولىك دوڭگەلەكتەرى مەن قوقىستىڭ ورتەنىپ جاتقانىن انىقتادى. قىزىل جالىن 35 شارشى مەتر جەردى شارپىعان. وقيعا ورنىندا 1 اۆتوتسيستەرنا مەن 5 ءورت ءسوندىرۋشى جۇمىس ىستەدى»، - دەپ اتاپ ءوتتى الماتى قالالىق ت ج د باسپا ءسوز قىزمەتى.



جاڭالىقتار