الماتى كوروناۆيرۋستىڭ تارالۋى بويىنشا سارى ايماققا كوشتى
«4-شىلدەدەن باستاپ الماتى قالاسى «سارى» ايماققا ءوتتى. قازىرگى ۋاقىتتا قالانىڭ مەملەكەتتىك باس سانيتار دارىگەرى قاۋلىنى دايارلاۋ ۇستىندە. قاۋلىدا بارلىعى جازىلادى. وسى ورايدا ءبىز ءار ازاماتتى كوروناۆيرۋسقا قارسى ۆاكسينا الۋعا جانە ريەۆاكتسيناتسيادان وتۋگە شاقىرامىز»، - دەدى ەرجان بايتانايەۆ قازاقپارات تىلشىسىنە تەلەفون ارقىلى.
ونىڭ ايتۋىنشا، بۇگىندە كوروناۆيرۋسقا شالدىعىپ جاتقان ازاماتتاردىڭ 80 پايىزى ۆاكسينا الماعان.
«قازاقستاندىقتاردى ءوزى مەن جاقىندارىنىڭ دەنساۋلىعىن ساقتاۋ ماقساتىندا ۆاكسينا الۋدىڭ بارلىق پروتسەسىنەن وتۋگە شۇعىل تۇردە شاقىرامىز. بۇل پروتسەسس ۇجىمدىق يممۋنيتەتتى قالىپتاستىرا ءتۇسۋ ءۇشىن دە ماڭىزدى»، - دەيدى ول.
ەسكە سالا كەتسەك، قازاقستان «سارى» ايماققا وتسە، ۇكىمەت تاراپىنان قانداي شارالار قولعا الىناتىنى حابارلانعان ەدى. دەنساۋلىق ساقتاۋ ءمينيسترى اجار عينيات ءوز سوزىندە ەلىمىزدە ماۋسىم ايىنىڭ ورتاسىنان باستاپ كوروناۆيرۋس ينفەكتسياسىن جۇقتىرعاندار سانىنىڭ ارتقانىن اتاپ ءوتتى.