ەلوردادا تۋريستىك فوتوالاڭ پايدا بولدى

None
None
نۇر- سۇلتان. قازاقپارات - بۇگىن ەلوردادا تۋريستەرگە ارنالعان «Neo Nomad - 2022» اكسياسى باستالدى، دەپ حابارلايدى قازاقپارات ءتىلشىسى.

«تۋريستەرگە ارنالعان جاڭا جوبا «Neo Nomad 2022» (زاماناۋي كوشپەندى) دەپ اتالادى. تۋريست ءبىر جىلدىڭ ىشىندە ەلىمىزدىڭ 20 ايماعىنا بارىپ، ارنايى قويىلعان جيەكتەمەنىڭ (رامكا) الدىندا سۋرەتكە ءتۇسۋى ءتيىس. سولايشا 20 فوتوسۋرەت جيناعان تۋريستكە «زاماناۋي كوشپەندى» مارتەبەسى مەن ەستەلىك سىيلىق تابىس ەتىلەدى.

تاعى ءبىر تالاپ فوتوسۋرەتتەردى Facebook, Instagram الەۋمەتتىك جەلىلەرىنە ارنايى #NeoNomad2022 حەشتەگىمەن جاريالاۋ قاجەت. بۇگىن ارنايى فوتو الاڭ نۇر- سۇلتان قالاسىندا العاش اشىلىپ وتىر. الداعى ۋاقىتتا بارلىق 20 وڭىردە بولادى»، - دەدى مادەنيەت جانە سپورت ۆيتسە- ءمينيسترى ەرجان ەركىنبايەۆ. ونىڭ ايتۋىنشا، اتالعان اكسيا وڭىرلەردە جەرگىلىكتى اكىمدىك ەسەبىنەن جۇزەگە اسىرىلادى.

«وسىنداي فوتو جيەكتەمە (رامكا) تاياۋ ارادا باسقا وڭىرلەردە پايدا بولادى دەگەن ۇمىتتەمىن. «Neo Nomad» جوباسىنىڭ ءمانى - تۋريستەردىڭ كوڭىلدى، بىرتەكتى فوتوسۋرەتتەرىن الەۋمەتتىك جەلى ارقىلى ءجيى جاريالاۋ. ءبىر جاعىنان - تۋريستىك PR قادام»، - دەيدى ول.

قازاقستان بويىنشا لوكاتسيالار ءتىزىمى:

1. نۇر- سۇلتان قالاسى - «بايتەرەك» مونۋمەنتى؛

2. الماتى قالاسى- «شىمبۇلاق» تاۋ كۋرورتى؛

3. اقمولا وبلىسى - زەرەندى كولى؛

4. اقتوبە وبلىسى - اقتولاعاي ءۇستىرتى؛

5. الماتى وبلىسى - تاڭبالى پەتروگليفتەرى؛

6. اتىراۋ وبلىسى - سارايشىق قالاشىعى؛

7. باتىس قازاقستان وبلىسى - كوپەستەر ءۇيى (ورال قالاسى)؛

8. جامبىل وبلىسى - ايشا ءبيبى كەسەنەسى؛

9. قاراعاندى وبلىسى - قارقارالى م ۇ ت پ؛

10. قوستاناي وبلىسى - ناۋىرزىم قورىعى؛

11. قىزىلوردا وبلىسى - «قورقىت اتا» مەموريالدىق كەشەنى؛

12. ماڭعىستاۋ وبلىسى - «كوگىلدىر شىعاناق»؛

13. تۇركىستان وبلىسى - ساۋران قالاشىعى؛

14. پاۆلودار وبلىسى - «كەمپىرتاس» جارتاسى «باياناۋىل» م ۇ ت پ؛

15. سولتۇستىك قازاقستان وبلىسى - يمانتاۋ كولى؛

16. شىعىس قازاقستان وبلىسى - «بەرەل» مۇراجاي- قورىعى؛

17. شىمكەنت قالاسى - «تسيتادەل» تاريحي كەشەنى؛

18. اباي وبلىسى - ابايدىڭ «جيدەباي- ءبورىلى» تاريحي- مادەني كەشەنى؛

19. جەتىسۋ وبلىسى - جاسىلكول كولى؛

20. ۇلىتاۋ وبلىسى - «جوشى حان» تاريحي- مادەني ورتالىعى.

سوڭعى جاڭالىقتار