قازاقستاندا قىزىل كىتاپتىڭ ونلاين نۇسقاسى جاسالادى
4 شىلدە 15:32

قازاقستاندا قىزىل كىتاپتىڭ ونلاين نۇسقاسى جاسالادى

نۇر- سۇلتان. قازاقپارات – ق ر پرەمەر- ءمينيسترىنىڭ ءبىرىنشى ورىنباسارى رومان سكليار ءماجىلىس دەپۋتاتتارىنىڭ ساۋالىنا بەرگەن جاۋابىندا ەلدەگى سيرەك كەزدەسەتىن جانە قۇرىپ بارا جاتقان جانۋارلاردى ساقتاۋ جونىندەگى ۇكىمەت جوسپارى تۋرالى مالىمەت بەردى، دەپ حابارلايدى قازاقپارات ءتىلشىسى.

«سيرەك كەزدەسەتىن جانە قۇرىپ بارا جاتقان جانۋارلار ءتىزىمىنىڭ مەملەكەتتىك عىلىمي- تەحنيكالىق نەگىزدەمەسى قازاقستانداعى بيولوگيالىق رەسرۋرستاردى ءتيىمدى باسقارۋعا جاعداي تۋعىزادى» دەپ جازادى رومان سكليار.

ونىڭ ايتۋىنشا، ومىرتقالى جانە ومىرتقاسىز جانۋارلاردىڭ سيرەك كەزدەسەتىن تۇرلەرىنىڭ جاعدايىنا باعا بەرۋ ءۇشىن عىلىمي- تەحنيكالىق باعدارلاما ازىرلەنگەن. ونى عىلىم جانە جوعارى ءبىلىم مينيسترلىگى ارقىلى قارجىلاندىرۋ كوزدەلىپ وتىر.

«جوعارى عىلىمي- تەحنيكالىق كەڭەس ماقۇلداعان جاعدايدا بۇل باعدارلاما اياسىندا قازاقستاننىڭ قىزىل كىتابىنا ريەۆيزيا جاسالادى. سونىڭ نەگىزىندە مازمۇنى جاڭارتىلىپ، قىزىل كىتاپقا ارنالعان ۋەب- پورتال قۇرىلادى. ول پورتالدا سيرەك كەزدەسەتىن جانە قۇرىپ بارا جاتقان جانۋارلار تۋرالى مالىمەت تولىققاندى بەرىلەدى. اتالعان شارالاردىڭ ءبارىن ىسكە اسىرۋ ءۇشىن قولدانىستاعى زاڭناماعا اڭشىلىق جانە جانۋارلاردى ساقتاۋ جونىندە ءتيىستى وزگەرىستەر ەنگىزىلەدى»، - دەپ جازىلعان جاۋاپتا.

اۆتور: ەسىمجان ناقتىباي ءتىلشى

جاڭالىقتار