الماتىدا ءۇشىنشى تەمىرجول ۆوكزالى سالىنادى
بۇل تۋرالى الماتى اكىمى ەربولات دوسايەۆ قالانى دامىتۋدىڭ 2025 -جىلعا دەيىنگى جوسپارىن تالقىلاۋ بارىسىندا ءمالىم ەتتى، دەپ حابارلايدى قازاقپارات ءتىلشىسى.
«قالا مەن قالا ماڭىنداعى كولىك بايلانىسىن جاقسارتۋ ءۇشىن ءبىز قوسىمشا قالا ماڭىنان قالاداعى كولىك حابتارىنا دەيىن 30 مارشرۋت، الماتى-2 ستانسياسىنان قونايەۆ قالاسىنا دەيىن ەلەكتر پويىزىن ىسكە قوسامىز، الماتى-3 تەمىر جول ۆوكزالىنىڭ قۇرىلىسىن باستايمىز»، - دەدى ەربولات دوسايەۆ.
سونىمەن قاتار ول 2025 -جىلعا دەيىن قۇلجا تاسجولى مەن بورالداي- شامالعان تراسساسىن، 2030 -جىلعا دەيىن تالعار تراكتىسى مەن جوعارعى قاسكەلەڭ جولى كەڭەيتىلەتىنىن ايتتى.
«قالا مەن الماتى وبلىسى اراسىندا كۇندەلىكتى قوعامدىق كولىكتە جول ءجۇرۋ 2025 -جىلعا قاراي قازىرگى 400 مىڭنان 500 مىڭعا دەيىن جانە 2030 -جىلعا قاراي 600 مىڭعا دەيىن ۇلعايۋى ءتيىس. الماتى اگلومەراتسياسىندا قوعامدىق كولىكتى دامىتۋ جونىندەگى بىرلەسكەن جوبالىق كەڭسە قۇرىلاتىن بولادى»، - دەدى ول.
اۆتور: الما مۇقانوۆا