الماتىدا تاعى ءۇش مەترو ستانسياسى سالىنادى
جوبانى تالقىلاۋعا قالانىڭ قوعامدىق كەڭەس مۇشەلەرى، ءماسليحات دەپۋتاتتارى مەن ساراپشىلار قاۋىمداستىعى وكىلدەرى قاتىستى.
«ءبىز اگلومەراتسيادان كەلىپ، نەگىزگى قاقپالاردان كىرەتىن ترافيكتى جەڭىلدەتۋگە باعىتتالعان 4 كولىك- اۋىسىپ وتىرۋ حابىن ۇيىمداستىرامىز. باتىس باعىتتا 3 جاڭا مەترو ستانسياسى سالىنادى. الماتى مەتروسىن ودان ءارى دامىتۋ اياسىندا سولتۇستىك باعىتتا الماتى-1 تەمىرجول ۆوكزالىنا دەيىن مەترونى دامىتۋ بويىنشا ۇسىنىستار دايىندالادى»، - دەدى ەربولات دوسايەۆ.
سونىمەن قاتار، ول بيىل قازان ايىنا دەيىن تولە بي كوشەسىندە LRT - جەڭىل رەلستى كولىك قۇرالىن دامىتۋ جونىندە شەشىم قابىلدانعانىن جەتكىزدى.
«سونداي- اق ۆەلوكولىكتى بەلسەندى قولداۋعا نيەتتىمىز، سوندىقتان جىل سايىنعى قارجىلاندىرۋ نەگىزىندە كەلەسى جىلدان باستاپ ۆەلوجولداردىڭ ۇزىندىعىن 2025 -جىلى 60 ك م- گە دەيىن جانە جىل سايىنعى قارجىلاندىرۋمەن 2030 -جىلى 125 ك م- گە دەيىن، ياعني 2 ەسە ۇلعايتامىز»، - دەدى اكىم.
اۆتور: الما مۇقانوۆا