پرەزيدەنت ماعزۇم مىرزاعاليەۆكە ءبىرقاتار تاپسىرما بەردى

None
None
نۇر- سۇلتان. قازاقپارات - پرەزيدەنت قاسىم- جومارت توقايەۆ «قازمۇنايگاز» ۇ ك ا ق باسقارما ءتوراعاسى ماعزۇم مىرزاعاليەۆتى قابىلدادى، دەپ حابارلايدى اقوردا.

مەملەكەت باسشىسىنا «قازمۇنايگاز» كومپانياسىنىڭ مۇناي- گاز حيمياسى سالاسىندا جۇزەگە اسىرىپ جاتقان جوبالارى جونىندە اقپارات بەرىلدى.

قازىرگى ۋاقىتتا اتىراۋ وبلىسىنداعى پوليپروپيلەن شىعاراتىن زاۋىتتى ىسكە قوسۋ جۇمىستارى اياقتالىپ كەلەدى. بۇل ءوندىرىس ورنى بيىلعى تامىز ايىندا ىسكە قوسىلادى دەپ جوسپارلانىپ وتىر. پرەزيدەنتكە پوليەتيلەن جانە بۋتاديەن وندىرىسىنە قاتىستى جوبالاردىڭ جۇزەگە اسىرىلۋ بارىسى باياندالدى.

ماعزۇم مىرزاعاليەۆ قاسىم- جومارت توقايەۆقا «وزەن مۇنايگاز» اكسيونەرلىك قوعامىنىڭ قازىرگى جاعدايى مەن دامۋ پەرسپەكتيۆالارى، سونداي- اق ماڭعىستاۋ وبلىسىندا الەۋمەتتىك تۇراقتىلىقتى ساقتاۋ ءۇشىن جۇرگىزىلىپ جاتقان جۇمىستار جونىندە ەسەپ بەردى.

ونىڭ ايتۋىنشا، الەۋمەتتىك- ەڭبەك قاتىناستارىنا قاتىستى ماسەلەلەردى شەشۋ، سونداي- اق «قازمۇنايگاز» كومپانياسىنىڭ ەنشىلەس ۇيىمدارى قىزمەتىنىڭ ماسەلەلەرى بويىنشا جەكە جانە زاڭدى تۇلعالاردىڭ وتىنىشتەرىن قابىلداۋ ماقساتىمەن اقتاۋدا ۇلتتىق كومپانيانىڭ وكىلدىگى اشىلعان. سونىمەن قاتار جاڭاوزەندە بالالارعا ءبىلىم بەرۋ ساپاسىن ارتتىرۋ جوباسى ىسكە اسىرىلىپ جاتىر، وقۋشىلار سارايى مەن سپورت الاڭدارىنىڭ قۇرىلىسى جۇرگىزىلۋدە.

«قازمۇنايگاز» باسشىسى پرەزيدەنتكە كومپانيانىڭ شەتەلدىك اكتيۆتەرىن دامىتۋ پەرسپەكتيۆالارى جونىندە باياندادى. مەملەكەت باسشىسى ينۆەستيتسيالىق جوبالاردى ۋاقىتىلى ىسكە اسىرۋ جانە الەۋمەتتىك تۇراقتىلىقتى قامتاماسىز ەتۋ جۇمىستارىن جالعاستىرۋ جونىندە ءبىرقاتار تاپسىرما بەردى.


سوڭعى جاڭالىقتار