قازاقستاندىقتار نيكاراگۋاعا ۆيزاسىز بارا الادى
4 شىلدە 14:42

قازاقستاندىقتار نيكاراگۋاعا ۆيزاسىز بارا الادى

نۇر- سۇلتان. قازاقپارات - قازاقستاندىقتار ەندى نيكاراگۋاعا 30 كۇنگە ۆيزاسىز بارا الادى. بۇل تۋرالى ۇكىمەت قاۋلىسى شىقتى، دەپ حابارلايدى قازاقپارات ءتىلشىسى.

«جارامدى جول ءجۇرۋ قۇجاتتارى بار ق ر ازاماتىنان نيكاراگۋا رەسپۋبليكاسىنا 30 كۇننەن اسپايتىن ۋاقىتقا ءبىر نەمەسە بىرنەشە رەت بارعاندا، ترانزيتپەن وتكەندە جانە ۋاقىتشا بولعان كەزدە ولاردان ۆيزالىق تالاپتار سۇرالمايدى. كۇتپەگەن جاعدايلارعا (تابيعي اپات، اۋرۋ جانە ت. ب.) تاپ بولعان ازامات دالدەمە قۇجاتتارى نەگىزىندە نيكاراگۋا رەسپۋبليكاسىنىڭ اۋماعىندا بولا تۇرۋعا رۇقسات الۋى ءتيىس»، - دەلىنگەن قاۋلىدا.

ال نيكاراگۋا رەسپۋبليكاسىنا قىزمەت بابىمەن باراتىن ازاماتتاردان ۆيزا تالاپ ەتىلەدى. قاۋلى 10 كۇننەن سوڭ زاڭدى كۇشىنە ەنەدى.


نيكاراگۋا رەسپۋبليكاسى - ورتالىق امەريكادا ورنالاسقان مەملەكەت. حالقى 4,6 ميلليون (1998). حالقىنىڭ % 70- ى مەتيستەر، % 16- ى ەۋروپالىقتار، قالعاندارى باسقا ۇلت وكىلدەرى. رەسمي ءتىلى - يسپان ءتىلى. استاناسى - ماناگۋا قالاسى. نيكاراگۋا - اگرارلى ەل. ەكونوميكاسى قانت قۇراعىن، كوفە، ماقتا وسىرۋگە نەگىزدەلگەن. كۇرىش، فاسول، جۇگەرى، بانان، تەمەكى جانە كاكاو دا وسىرىلەدى. ونەركاسىبى اۋىل شارۋاشىلىعى ونىمدەرىن وڭدەۋگە باعىتتالعان (ماقتا تازارتاتىن كاسىپورىندار، قانت، بىلعارى زاۆوتى). ۇلتتىق جالپى ءونىمىنىڭ جان باسىنا شاققانداعى مولشەرى 2370 ا ق ش دوللارىنا تەڭ. نەگىزگى ساۋدا سەرىكتەستەرى – ا ق ش، گەرمانيا، ورتالىق امەريكا ەلدەرى، يسپانيا، مەكسيكا. قازاقستان مەن نيكاراگۋا اراسىنداعى ديپلوماتيكالىق بايلانىس العاش 1994 جىلى 6 - شىلدەدە ورنادى.


جاڭالىقتار