پرەمەر- مينيستر رەسەيلىك ءىرى كومپانيالاردىڭ باسشىلارىمەن كەزدەستى

ەكاتەرينبۋرگ. قازاقپارات - ەكاتەرينبۋرگ قالاسىنا جۇمىس ساپارىمەن بارعان ق ر پرەمەر- ءمينيسترى ءاليحان سمايىلوۆ رەسەيلىك ءىرى كومپانيالاردىڭ باسشىلارىمەن كەزدەستى.

بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.

«كاماز» ج ا ق باس ديرەكتورى سەرگەي كوگوگينمەن كەزدەسۋ بارىسىندا جاڭا جوبالاردى ىسكە اسىرۋ، جابدىقتاردى جەتكىزۋ جانە كوممەرتسيالىق تەحنيكاعا قىزمەت كورسەتۋ ورتالىقتارىن ىسكە قوسۋ ماسەلەلەرى تالقىلاندى.

سەرگەي كوگوگين ۇكىمەت باسشىسىنا كومپانيانىڭ قازىرگى قىزمەتى، بىرلەسكەن جوبالاردى ىسكە اسىرۋ تۋرالى حابارلاپ، «كاماز» ج ا ق- تىڭ بۇرىن العان بارلىق مىندەتتەمەلەردى ورىنداۋعا دايىن ەكەندىگىنە سەندىردى. ق ر پرەمەر- ءمينيسترى «كاماز» كومپانياسىمەن بىرلەسكەن جوبالاردىڭ قازاقستان- رەسەي وندىرىستىك كووپەراتسياسى سالاسىنداعى ءوزارا ءىس- قيمىل باعدارلاماسى اياسىندا ىسكە اسىرىلىپ جاتقان العاشقى جوبالاردىڭ ءبىرى ەكەنىن اتاپ ءوتتى.

«بۇگىندە قوستاناي يندۋستريالىق ايماعىنىڭ الاڭىندا شويىن قورىتۋ زاۋىتىنىڭ جانە جۇك كولىكتەرىنىڭ قوسالقى بولشەكتەرىن شىعاراتىن زاۋىتتىڭ قۇرىلىسى ءجۇرىپ جاتىر. بۇل ەكولوگيا سالاسىنداعى ۇزدىك تاجىريبەلەر مەن ستاندارتتاردى ەسكەرە وتىرىپ جاسالعان جوعارى تەحنولوگيالىق زاماناۋي ءوندىرىس بولماق»، - دەدى ءاليحان سمايىلوۆ.

بۇدان باسقا، كومپانيا جۇك تەحنيكاسى وتەتىن جەتەكشى كوپىرلەردىڭ تىرەكتەرىن لوكاليزاتسيالاۋ دەڭگەيىن ارتتىرۋ بويىنشا تاعى ءبىر ءىرى جوبانى ازىرلەپ جاتىر.

«بۇل جوبالاردىڭ ەكونوميكالىق جانە الەۋمەتتىك اسەرى مول. بىرلەسكەن كۇش- جىگەردىڭ ارقاسىندا ولاردىڭ تابىستى ءارى ۋاقىتىلى ىسكە اسىرىلاتىنىنا سەنىمدىمىن»، - دەدى ق ر پرەمەر- ءمينيسترى.

ءاليحان سمايىلوۆ قازاقستاندا قولايلى بيزنەس جۇرگىزۋ ءۇشىن بارلىق قاجەتتى جاعدايلار جاسالعانىن اتاپ ءوتتى. ارنايى ەكونوميكالىق جانە يندۋستريالىق ايماقتار ءتيىمدى جۇمىس ىستەپ، دامۋ ينستيتۋتتارى جەڭىلدىكپەن نەسيە بەرەدى جانە ليزينگتىك قارجىلاندىرۋدى جۇزەگە اسىرادى، سونداي- اق ينۆەستورلار ءۇشىن مەملەكەتتىك قولداۋ شارالارى مەن پرەفەرەنسيالار زاڭنامالىق تۇردە بەكىتىلگەن.

«رۋسسكايا مەدنايا كومپانيا» پرەزيدەنتى ۆسيەۆولود ليەۆينمەن بولعان كەزدەسۋدە تاۋ- كەن مەتاللۋرگيا سالاسىندا جاڭا جوبالاردى ىسكە اسىرۋ ماسەلەلەرى تالقىلاندى. ماسەلەن، «اقتوبە مىس كومپانياسى» 2024 -جىلعا دەيىن شامامەن 190 ميلليارد تەڭگەگە جەراستى كەنىشتەرىن سالۋ بويىنشا 4 جوبانى ىسكە اسىرۋدى جوسپارلاپ وتىر. ۆ. ليەۆين ر م ك- نىڭ اقتوبە وبلىسىنداعى وندىرىستىك قىزمەتى، سونداي- اق جەتىسۋ وبلىسىنداعى «كوكساي» جانە اباي وبلىسىنداعى «ايدارلى» كەن ورىندارىندا جوبالاردى ىسكە اسىرۋ جوسپارلارى تۋرالى ايتىپ بەردى.

ۇكىمەت باسشىسى «كوكساي» جانە «ايدارلى» كەن ورىندارىن يگەرۋدىڭ ەلىمىز ءۇشىن ۇلكەن ماڭىزعا يە ەكەنىن اتاپ ءوتتى. ول قازاقستاننىڭ تەك وندىرۋگە عانا ەمەس، سونداي- اق شيكىزاتتى ودان ءارى قايتا وڭدەۋگە جانە قوسىلعان قۇنى جوعارى ءونىم وندىرۋگە دە مۇددەلى ەكەنىن اتاپ ءوتتى.

«ۇكىمەت جەر قويناۋىن پايدالانۋشى ءىرى كاسىپورىنداردىڭ اينالاسىندا وڭدەۋ ونەركاسىبىندە شاعىن جانە ورتا بيزنەستى دامىتۋ بويىنشا جۇمىس جۇرگىزىپ جاتىر. «روسسييسكايا مەدنايا كومپانيا» بۇل باستامانى قولداپ، وسى باعىتتا بەلسەندى تۇردە جۇمىس ىستەيدى دەپ سەنەمىن»، - دەپ تۇيىندەدى ءاليحان سمايىلوۆ.