كەز كەلگەن ماسەلە ۋاقىتىندا شەشىلمەسە، حالىقتىڭ نارازىلىعىن تۋعىزادى - ەرالى توعجانوۆ

None
None
نۇر- سۇلتان. قازاقپارات – ق ر پرەمەر- ءمينيسترىنىڭ ورىنباسارى ەرالى توعجانوۆتىڭ توراعالىعىمەن مەملەكەتتىك ورگانداردىڭ تاۋەكەلدەردى تالداۋ مەن بولجامدىق قىزمەتىن كۇشەيتۋ ماسەلەسى بويىنشا كەڭەس ءوتتى، دەپ حابارلايدى قازاقپارات.

كەڭەس جۇمىسىنا ورتالىق مەملەكەتتىك ورگاندار مەن نۇر- سۇلتان، الماتى، شىمكەنت قالالارىنىڭ جانە وبلىس اكىمدىكتەرى قاتىستى. كۇن تارتىبىندە مەملەكەتتىك ورگاندار مەن اكىمدىكتەردىڭ حالىقتى الاڭداتاتىن سۇراقتاردى الدىن الا بولجاپ، ولاردى شەشۋ بويىنشا ناقتى الگوريتمدەردى ازىرلەۋ ماسەلەلەرى تالقىلاندى.


«كەز كەلگەن ماسەلە ۋاقىتىندا شەشىلمەسە، حالىقتىڭ نارازىلىعىن تۋعىزۋى مۇمكىن. سوندىقتان مەملەكەتتىك ورگاندار تاۋەكەلدەردى ۇنەمى تالداپ، ولاردى شەشۋگە ءاردايىم دايىن بولۋى كەرەك»، - دەپ اتاپ ءوتتى ۆيتسە- پرەمەر.

كەڭەس اياسىندا مەملەكەتتىك ورگانداردىڭ جالاقى بويىنشا قارىزدارى، كوممۋنالدىق تاريفتەر، الەۋمەتتىك ماڭىزى بار تاۋارلار مەن ونىمدەردىڭ باعاسىن رەتتەۋ، ەلەكتر ەنەرگياسىن ءوندىرۋ، كومىر جەتكىزۋ، ج ج م- مەن قامتاماسىز ەتۋ، قوقىس پوليگوندارى جانە باسقا ماسەلەلەردى شەشۋ جونىندەگى ەسەبى تىڭدالدى.

كەڭەس بارىسىندا وقۋ- اعارتۋ مينيسترلىگىنە جانە اكىمدىكتەرگە پەداگوگتەرگە جالاقىنى ۋاقىتىلى تولەۋدى قامتاماسىز ەتۋ، اۋىل شارۋاشىلىعى مينيسترلىگىنە الەۋمەتتىك ماڭىزى بار ازىق- تۇلىك ونىمدەرى باعاسىنىڭ نەگىزسىز وسۋىنە جول بەرمەۋ ءۇشىن ءوندىرىس پەن تۇتىنۋ تەڭگەرىمىنىڭ ناقتى بولجامىن ازىرلەۋ تاپسىرىلدى.

ە. توعجانوۆ بالالاردى جاڭا وقۋ جىلىنا دايىنداۋ ماۋسىمى جاقىنداعانىن جانە بۇل حالىق شىعىنىنىڭ ۇلعايۋىنا اسەر ەتۋى مۇمكىن ەكەنىن اتاپ ءوتتى. سوندىقتان باعانى تۇراقتاندىرۋ ءۇشىن قولدانىستاعى نارىقتىق قۇرالداردىڭ مۇمكىندىكتەرىن بارىنشا پايدالانۋ قاجەت. كەڭەس قورىتىندىسى بويىنشا بارلىق مەملەكەتتىك ورگاندار مەن ءوڭىر اكىمدىكتەرىنىڭ الدىنا كەلەسىدەي مىندەتتەر قويىلدى:

- جالاقى بويىنشا بەرەشەكتىڭ پايدا بولۋىنا جول بەرمەۋ؛

- بارلىق ىقتيمال تاۋەكەلدەردى تۇراقتى نەگىزدە تالداۋ جانە سالانىڭ پروبلەمالىق ماسەلەلەرىن شەشۋ بويىنشا قادامدىق ءىس- قيمىلدار الگوريتمىن ازىرلەۋ؛

- پروبلەمالىق ماسەلەلەر بولعان جاعدايدا ولاردىڭ شەشىمىن ايرىقشا باقىلاۋعا الۋ؛

- مەملەكەتتىك ورگانداردىڭ اقپاراتتىق، ءتۇسىندىرۋ جۇمىستارىن كۇشەيتۋ، الەۋمەتتىك جەلىلەردەگى الاڭداردى بەلسەندى تۇردە جۇرگىزۋ، سونداي- اق حالىقتىڭ سۇراقتارىنا ۋاقىتىلى جاۋاپ بەرۋ.


سوڭعى جاڭالىقتار