ۋكراينا اسكەرى ليسيچانسك قالاسىنان شەگىندى
بۇعان دەيىن ۋكراينانىڭ اسكەري قولباسشىلىعى جاۋىنگەرلەردىڭ ءومىرىن ساقتاپ قالۋ ماقساتىندا ليسيچانسكتەگى ساربازدارىن اكەتۋ تۋرالى شەشىم قابىلداعان ەدى. ويتكەنى رەسەي كۇشتەرى باسىم بولعان.
ۆلاديمير زەلەنسكي ۋكراينا پرەزيدەنتى:
- رەسەيدە ۋكراينا قالالارىن جەرمەن- جەكسەن ەتۋگە جەتەتىن «سمەرچ»، «ۋراگان»، «گراد» سياقتى جۇيەلەرى بار. قازىر ولاردىڭ قارۋلى كۇشتەرىنىڭ باسىم بولىگى دونباسستا شوعىرلانعان. ولار كۇن سايىن مايداننىڭ ءبىر بولىگىندە ونداعان مىڭ ارتيللەريالىق سناريادتاردى قولدانا الادى. كومانديرلەرىمىزدىڭ جاۋ باسىم ايماقتاردان، اسىرەسە ليسيچانسكتەن ساربازداردى كەرى قايتارۋىنىڭ سەبەبى بار. ءبىز تاكتيكامىز بەن زاماناۋي قارۋ- جاراق كولەمىن ارتتىرۋ ارقىلى قايتا ورالاتىن بولامىز.
ليسيچانسك تولىعىمەن رەسەيدىڭ باقىلاۋىنا وتكەنىن جۋىردا وسى ەلدىڭ قورعانىس مينيسترلىگى حابارلاعان ەدى. ۆەدومستۆو وكىلدەرىنىڭ ايتۋىنشا، قارۋلى كۇشتەر سونداي- اق قالا ماڭىنداعى ەلدى مەكەندەردى دە باقىلاۋدا ۇستاپ وتىر.
ەستەرىڭىزگە سالا كەتەيىن، سوڭعى بىرنەشە كۇندە ليسيچانسك ءۇشىن قيان- كەسكى شايقاس جۇرگەن بولاتىن.
www.24.kz