تالدىقورعاندا جاڭا تۋعان ءسابيدىڭ دەنەسى قوقىستان تابىلدى

None
None
تالدىقورعان. قازاقپارات - بۇگىن تاڭعى ساعات 8:00 شاماسىندا تالدىقورعاندا قوقىستان جاڭا تۋعان ءسابيدىڭ دەنەسى تابىلدى، دەپ حابارلايدى قازاقپارات ءتىلشىسى.

كۋاگەردىڭ سوزىنشە، ءسابيدىڭ كىندىگى كەسىلمەگەن.

«قوقىس توگۋگە شىققانمىن. قاراسام اق ورامالعا ورالعان بالا جاتىر. كىندىگى كەسىلمەگەن. جولداسىمەن قوسا جاتىر. بالا ءولىپ قالعان. شامامەن مەرزىمىنەن بۇرىن (7-8-ايلىق) تۋعان با دەپ ويلايمىن، كىشكەنتاي بالا ەكەن»، - دەدى قازاقپارات تىلشىسىنە كۋاگەر.

قازىر وقيعا ورنىندا پوليتسەيلەر جۇمىس ىستەپ جاتىر. ازىرگە بالانى قوقىسقا كىمنىڭ تاستاپ كەتكەنى بەلگىسىز.

ايتا كەتەيىك، شاقالاقتىڭ دەنەسى تالدىقورعانداعى 7- شاعىن اۋدانداعى 17- ءۇيدىڭ قوقىس توگەتىن جاشىگىنەن تابىلدى.

اۆتور: سامال قابىشيەۆا


سوڭعى جاڭالىقتار