بيىل وتانىنا ورالعان قانداستاردىڭ كوبى الماتى جانە ماڭعىستاۋ وبلىستارىنا قونىستاندى

None
None
نۇر- سۇلتان. قازاقپارات – 1- شىلدەگە دەيىن 7415 ەتنيكالىق قازاق تاريحي وتانىمەن قاۋىشىپ، قانداس مارتەبەسىن الدى.

جالپى 1991 -جىلدان بەرى رەسپۋبليكاعا 1 ميلليون 95,3 مىڭ ەتنيكالىق قازاق ورالدى، دەپ حابارلايدى قازاقپارات.

جىل باسىنان بەرى قازاقستانعا كەلگەن قانداستاردىڭ جارتىسىنان كوبى (%70,2) - وزبەكستاننان، % 10,4 - قىتايدان، % 7,4 - تۇرىكمەنستاننان، % 3,2 - موڭعوليادان جانە % 8,8 باسقا ەلدەردەن قونىس اۋدارعان.

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، كەلگەن ەتنيكالىق قازاقتار نەگىزىنەن الماتى (%31,6)، ماڭعىستاۋ (%18,3)، تۇركىستان (%9,8) جانە جامبىل (%6,3) وبلىستارىنا، سونداي- اق الماتى (%5,7)، نۇر- سۇلتان (%7,1) جانە شىمكەنت (%8,1) قالالارىنا قونىستانعان.

وسى جىلعى 1- شىلدەدەگى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى % 62، ەڭبەككە قابىلەتتى جاستان كىشى قونىس اۋدارۋشىلار سانى % 24,1 جانە زەينەتكەرلەر سانى % 13,9. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا % 11,4- ى جوعارى ءبىلىمدى، % 40,3- ى ورتا كاسىبي ءبىلىمدى، % 47- ى جالپى ورتا ءبىلىمدى جانە % 1,6- نىڭ ءبىلىمى جوق.

سوڭعى جاڭالىقتار