ەلباسى ستيپەندياسىنىڭ اتاۋىن وزگەرتۋ ۇسىنىلدى

نۇر- سۇلتان. قازاقپارات - اشىق ن ق ا پورتالىندا «ق ر تۇڭعىش پرەزيدەنتى - ەلباسىنىڭ مادەنيەت سالاسىنداعى مەملەكەتتىك ستيپەندياسىنىڭ» اتاۋىن وزگەرتۋ تۋرالى پرەزدەنت جارلىعىنىڭ جوباسى جاريالاندى، دەپ حابارلايدى قازاقپارات ءتىلشىسى.

قۇجات جوباسىن ازىرلەگەن ورگان – ق ر مادەنيەت جانە سپورت مينيسترلىگى. «قازاقستان رەسپۋبليكاسى پرەزيدەنتىنىڭ 2000 -جىلعى 3- ساۋىردەگى №369 جارلىعىنا مىناداي وزگەرىستەر ەنگىزىلسىن: تاقىرىبى «مادەنيەت سالاسىنداعى مەملەكەتتىك ستيپەنديانى تاعايىنداۋ تۋرالى» دەگەن رەداكسيادا جازىلسىن» دەلىنگەن جارلىق جوباسىندا. ياعني، «ق ر تۇڭعىش پرەزيدەنتى - ەلباسىنىڭ مادەنيەت سالاسىنداعى مەملەكەتتىك ستيپەندياسى» دەگەن اتاۋ «مادەنيەت سالاسىنداعى مەملەكەتتىك ستيپەنديا» دەپ وزگەرتىلىپ وتىر. ال ستيپەنديانىڭ مولشەرى بۇرىنعىداي 55 ايلىق ەسەپتىك كورسەتكىش (174900 تەڭگە - رەد) كولەمىندە قالادى.

ەسكە سالا كەتەيىك، پرەزيدەنت قاسىم- جومارت توقايەۆ قازاقستان پوليتسياسىنىڭ 30 جىلدىعىنا ارنالعان سالتاناتتى جيىندا قازاقستاننىڭ تۇڭعىش پرەزيدەنتىنىڭ ساياسي ءرولى تۋرالى پايىمىن ايتقان بولاتىن.

اۆتور: ەسىمجان ناقتىباي