اتىراۋدا وزگە ەتنوستىڭ وكىلدەرى كۇي تارتىپ، دومبىرامەن قازاقشا ءان شىرقادى
جايىق وزەنىنىڭ جاعالاۋىندا وتكەن ءىس- شارانى دوستىق ءۇيى ۇيىمداستىردى. وعان وزگە ەتنوستىڭ وكىلدەرى قاتىسىپ، دومبىرامەن كۇي تارتتى. قازاقتىڭ حالىق اندەرى مەن قازاقشا كومپوزيتورلارىنىڭ شىعارمالارىن شىرقادى. قازاقتىڭ ۇلتتىق اسپابى - دومبىرانى وزدىگىنەن ۇيرەنگەندەردىڭ قاتارىندا اعايىندى ۆيازنيكوۆتسيەۆتەر بار. وسى اۋلەتتىڭ قىزى فاينا قازاقشا اندەردى ناقىشىنا كەلتىرە ورىندايدى. ول وزەن جاعاسىنداعى ءىس- شارادا «قۇربىم- اي» ءانىن شىرقادى. ال، ونىڭ ءىنىسى ميحايل ۆيازنيكوۆتسيەۆ دومبىرامەن «توي باستار» مەن «اداي» كۇيىن ورىندادى.
اتىراۋدا قازاقتىڭ ونەرىن قۇرمەتتەپ، ۇدايى ناسيحاتتاۋشىنىڭ قاتارىندا ولەگ اتاناسوۆ «ورىس اداي» دىبىس جازۋ ستۋدياسىن اشقان. ءوزى دومبىرامەن ءان شىرقايدى. ۇلىن دا قازاق ونەرىنە باۋلىپ كەلەدى.
«قازاق اندەرى جۇرەك قىلىن شەرتەردەي اسەرگە بولەيدى. ال، قوس شەكتى دومبىرانىڭ اۋەزدى ءۇنىن ەشبىر اسپاپتان ەستي المايسىڭ. سول سەبەپتەن، بالا كۇنىمنەن دومبىرانىڭ ءۇنىن ەستىگىم كەلىپ تۇراتىن ەدى. كەيىن دومبىرا تارتۋدى ۇيرەندىم. دومبىرا تارتسام، شابىتىم ويانادى. قازاقشا ءان سالعىم كەلىپ تۇرادى. قازىر قازاق اندەرىن دومبىرامەن ورىنداي الامىن»، - دەيدى ولەگ اتاناسوۆ.
دومبىرا تارتۋدى جەتىك مەڭگەرگەن ورىس جىگىتى قازاق حالقىنىڭ ءانى «ەركەم- اي» مەن ەستايدىڭ ءانى «قۇسني قورلاندى» تامىلجىتا ورىنداپ بەردى.
«شىلدەنىڭ ءبىرىنشى جەكسەنبىسىندە ۇلتتىق دومبىرا كۇنى اتالىپ وتەدى. وسىعان وراي بۇل ءىس- شارانى ۇيىمداستىرۋداعى ماقساتىمىز - تۇرعىندارعا كەرەمەت كوڭىل- كۇي سىيلاۋ عانا ەمەس، بارشانىڭ نازارىن قازاقتىڭ ۇلتتىق اسپابى - دومبىراعا، وسى اسپاپتى تارتۋعا اۋدارۋ»، - دەيدى ءىس- شارانى ۇيىمداستىرۋشىلار.
ءىس- شارانى تاماشالاۋشىلار دومبىرا تۋرالى ۆيكتورينالىق سۇراقتارعا جاۋاپ بەردى. وزگە كونكۋرستارعا قاتىستى.
ەسكە سالا كەتەلىك، بۇعان دەيىن اتىراۋدا جامبىل اقىننىڭ جەكە بۇيىمدارى كوشپەلى كورمەگە قويىلعانىن جازعان ەدىك.
