قىزىلوردالىق ماقسات يساعابىلوۆ «قازاقستان بارىسىنىڭ» جەڭىمپازى اتاندى
4 شىلدە 08:53

قىزىلوردالىق ماقسات يساعابىلوۆ «قازاقستان بارىسىنىڭ» جەڭىمپازى اتاندى

نۇر- سۇلتان. قازاقپارات - كەشە ەلوردادا وتكەن رەسپۋبليكالىق «قازاقستان بارىسى» تۋرنيرىندە قىزىلوردالىق ماقسات يساعابىلوۆ چەمپيون اتاندى، دەپ حابارلايدى قازاقپارات ءتىلشىسى.

ول فينالدا ماڭعىستاۋلىق نۇرداۋلەت جارىلعاپوۆپەن كەزدەستى. ناتيجەسىندە ماقسات قارسىلاسىن جەڭىپ، بيىلعى تۋرنيردىڭ جەڭىمپازى اتاندى.

ماقسات يساعابىلوۆ 1994 -جىلدىڭ 17- قاراشاسىندا قىزىلوردا وبلىسىندا دۇنيەگە كەلگەن. بويى 184 سانتيمەتر بولسا، سالماعى 120 كەلى. بۇعان دەيىن قازاق كۇرەسىنەن حالىقارالىق دارەجەدەگى سپورت شەبەرى اتانعان. وعان 25 ميلليون تەڭگە اقشالاي سىيلىق، التىن بەلبەۋ جانە التىننان قۇيىلعان «تايتۇياق» بەرىلدى.

ال ەكىنشى ورىن يەگەرى نۇرداۋلەت جارىلعاپوۆقا 5,5 ميلليون تەڭگە مەن كۇمىس بەلبەۋگە قول جەتكىزدى. تۋرنير بارىسىندا قولا جۇلدەگە جامبىلدىق عالىمجان قىرىقبايەۆ قول سوزىپ، 1,8 ميلليون تەڭگە مەن قولا بەلبەۋگە يە بولدى.

اۆتور: ءادىلجان ۇمبەت



جاڭالىقتار