ون جاسىنان دومبىرانى جانىنا سەرىك ەتكەن يۋري كوچەتىگوۆ

None
None
كوكشەتاۋ. قازاقپارات - كوكشەتاۋلىق جاس دومبىراشى يۋري كوچەتىگوۆ دومبىرامىن قازاق كۇيلەرىن اسا شەبەرلىكپەن ورىندايدى، دەپ حابارلايدى قازاقپارات ءتىلشىسى.

يۋري وتباسىنىڭ تۇڭعىشى. كوكشەتاۋداعى ءبىرجان سال اتىنداعى مۋزىكا كوللەدجىندە دومبىراشى ماماندىعى بويىنشا ءبىلىم الادى. دومبىرا ۇيىرمەسىنە ون جاسىنان اناسى قولىنان جەتەكتەپ اپارعان. العاش رەت دومبىرانىڭ شاناعىنان توگىلگەن سيقىرلى ءۇندى ەستىگەن ونىڭ بىردەن وسى مۋزىكالىق اسپاپقا اۋەستىگى باستالادى.

«كوكشەتاۋداعى ءبىرجان سال اتىنداعى مۋزىكا كوللەدجىندە «دومبىرا ءپانىنىڭ مۇعالىمى» ماماندىعى بويىنشا ءبىلىم الامىن. دومبىرا ۇيىرمەسىنە ون جاسىمدا انام اپاردى. سودان بەرى دومبىرانى قولىمنان تاستاعان ەمەسپىن. العاشقى ۇستازىم سەرىك سارسەنبايەۆ بولدى. سول كىسىدەن 5 جىل بويى دومبىرا شەرتۋدىڭ قىر- سىرىن ۇيرەندىم. كەيىن مەنىڭ قابىلەتىم بارىن بىلگەن ول وقۋعا تۇسۋگە كەڭەس بەردى. وسىلايشا، بۇگىنگى كۇنى مۋزىكا كوللەدجىندە ءبىلىمدى جالعاستىرىپ كەلەمىن»، - دەيدى يۋري كوچەتىگوۆ.


ونەرلى ورەن مەملەكەتتىك تىلدە دە مۇدىرمەي سويلەيدى. ارتىنان ەرگەن قارىنداسى زلاتا دا قازاق مەكتەبىندە وقيدى. ول دا ونەردەن قۇر الاقان ەمەس. اعاسى سياقتى دومبىرا، فلەيتا اسپاپتارىندا وينايدى. ال، اتا- انالارى ءاردايىم ولاردىڭ ونەرىنە قولداۋ ءبىلدىرىپ، شىعارماشىلىقتارىن شىڭداۋعا ۇلەس قوسىپ كەلەدى.

«كىشكەنتايىمنان قازاق ءتىلىن مەڭگەرىپ الدىم. قازاق ءتىلدى بالاباقشا مەن مەكتەپتە وقىعاندىقتان، سونداي- اق، اينالامداعى ورتا اسەر ەتكەندىكتەن، ماعان قازاقشا ۇيرەنۋ قاتتى قيىندىق تۋعىزعان جوق»، - دەپ قوستى يۋري كوچەتىگوۆ.

وسى كۇنى يۋريدىڭ رەپەرتۋارىندا حالقىمىزدىڭ اتاقتى كۇيشىلەرىنىڭ 50-دەن استام كۇيى بار. وسىنىڭ ارقاسىندا، ول كوپتەگەن حالىقارالىق، رەسپۋبليكالىق جانە وبلىستىق بايقاۋلاردىڭ جۇلدەگەرى اتانىپ ءجۇر.


سوڭعى جاڭالىقتار