قىتايدا ەڭ جوعارى دەڭگەيلى توتەنشە جاعداي جاريالاندى
4 شىلدە 08:03

قىتايدا ەڭ جوعارى دەڭگەيلى توتەنشە جاعداي جاريالاندى

بەيجىڭ. سينحۋا- قازاقپارات – ق ح ر- دىڭ سۋ شارۋاشىلىعى مينيسترلىگى مەن مەتەورولوگيا باسقارماسى ەلدىڭ وڭتۇستىگىندەگى تاۋلى ولكەدە سەل ءجۇرۋ قاۋپى تۋىنداۋىنا بايلانىستى قىزىل دەڭگەيلى توتەنشە جاعداي جاريالادى، دەپ حابارلايدى قازاقپارات سينحۋا اگەنتتىگىنە سىلتەمە جاساي وتىرىپ.

مەتەورولوگتەردىڭ مالىمەتى بويىنشا، 2- شىلدە كۇنى 20:00-دەن باستاپ گۋاڭدۇڭ پروۆينتسياسىنىڭ باتىس بولىگى مەن گۋاڭشي- جۋاڭزۋ اۆتونومدى ولكەسىنىڭ شىعىسىنداعى كەي جەرلەردە تاۋدا سەل ءجۇرۋ قاۋپى ارتقان. جەرگىلىكتى بيلىككە باقىلاۋدى كۇشەيتۋ جانە سۋ تاسقىنى، سەل بولا قالعان جاعدايدا الدىن الا حابارلاۋعا مۇقيات دايىن بولۋ تاپسىرىلدى. سونداي- اق جەرگىلىكتى تۇرعىنداردى قاۋىپسىز ايماققا كوشىرۋگە دايىندالۋ ەسكەرتىلدى.

ايتا كەتۋ كەرەك، قىتايدا توتەنشە جاعداي 4 دەڭگەي بويىنشا بەلگىلەنەدى: كوك، سارى، قىزىل سارى جانە ەڭ جوعارعى قىزىل دەڭگەي.

اۆتور: ەربول جانات

جاڭالىقتار