بۇگىن ەلوردادا رەسپۋبليكالىق «قازاقستان بارىسى» تۋرنيرى وتەدى
3 شىلدە 12:44

بۇگىن ەلوردادا رەسپۋبليكالىق «قازاقستان بارىسى» تۋرنيرى وتەدى

نۇر- سۇلتان. قازاقپارات - بۇگىن ەلوردادا رەسپۋبليكالىق «قازاقستان بارىسى» تۋرنيرى وتەدى، دەپ حابارلايدى قازاقپارات ءتىلشىسى.

تۋرنير «بارىس- ارەنا» مۇز سارايىندا ەلوردا ۋاقىتىمەن 13:00-دە باستالىپ، تەلەارنالاردا تىكەلەي ەفيردە كورسەتىلەدى. تۋرنير جەڭىمپازىنا 25 ميلليون تەڭگە اقشالاي سىيلىق، التىن بەلبەۋ جانە التىننان قۇيىلعان «تايتۇياق» بەرىلەدى. ال ەكىنشى ورىن يەگەرى 5,5 ميلليون تەڭگە مەن كۇمىس بەلبەۋ، قولا جۇلدەگەر 1,8 ميلليون تەڭگە مەن قولا بەلبەۋگە قول جەتكىزەدى.

بيىلعى باسەكەگە جامبىل وبلىسىنان بەيبىت ىستىبايەۆ قاتىسادى دەپ كۇتىلۋدە. ول اتالعان تۋرنيردە 2012، 2015 جانە 2016 -جىلداردا جەڭىمپاز اتانعان بولاتىن. ال ەكى مارتە جەڭىس تۇعىرىنان كورىنگەن ايبەك نۇعىماروۆ بيىل سپورتتىق مانسابىن اياقتاعانىن جاريالادى.

سونداي- اق، وتكەن جىلى «قازاقستان بارىسى» اتانعان داۋرەن نۇرالينوۆ العان جاراقاتىنا بايلانىستى جارىسقا قاتىسا المايتىنىن جاريا ەتتى. تۋرنيردە بيىل ماماندار مۇحيت تۇرسىنوۆ پەن ەلامان ەرعاليەۆ باس جۇلدەدەن ۇمىتكەر رەتىندە سانايدى.

مۇحيت 2014، ەلامان 2017 -جىلى جەڭىس تۇعىرىنا كوتەرىلگەن ەدى. 2019 جانە 2021 -جىلداردا كۇمىس جۇلدەگەر اتانعان ەراسىل قاجىبايەۆ پەن عالىمجان قىرىقباي دا قاتىسادى. تۋرنير بارىسىندا بارلىعى 36 بالۋان سىنعا تۇسەدى.

اۆتور: ءادىلجان ۇمبەت

جاڭالىقتار