ۋكراينا استىعى: قازاقستان كەمەنى جالعا الۋشىدان ءمان- جايدى جەدەل ءارى ەگجەي- تەگجەيلى ءتۇسىندىرۋدى سۇرادى
2 شىلدە 14:28

ۋكراينا استىعى: قازاقستان كەمەنى جالعا الۋشىدان ءمان- جايدى جەدەل ءارى ەگجەي- تەگجەيلى ءتۇسىندىرۋدى سۇرادى

نۇر- سۇلتان. قازاقپارات - «قازاقستان تەمىر جولى» ۇلتتىق كومپانياسى قازاقستاندىق «جىبەك جولى» كەمەسىنىڭ ۋكراينا استىعىن تاسىمالداعانى تۋرالى اقپاراتقا قاتىستى قوسىمشا مالىمدەمە جاسادى، دەپ حابارلايدى قازاقپارات.

«كەشە ب ا ق ۋكراينا باس پروكۋراتۋراسى جۇك كەمەسىن ۇستاپ، قاماۋعا الۋ جونىندە تۇركياعا سۇراۋ سالعانىن حابارلادى. بۇل ءوتىنىشتىڭ ناقتىلىعىن ۋكراينانىڭ ۋاكىلەتتى مەملەكەتتىك ورگاندارى تەكسەرەدى. ەكى ەلدىڭ ەلشىلەرىمەن بەلسەندى كونسۋلتاتسيالار جۇرگىزىلىپ جاتىر. بۇرىن حابارلانعانىنداي، استىق ساتۋ مامىلەسى ەستونيالىق Mangelbert OU كومپانياسى مەن تۇرىك تاراپى اراسىندا جۇرگىزىلگەن. ەۋروپادا تىركەلگەن كومپانيا مامىلەنىڭ زاڭدى ەكەنىن مالىمدەپ وتىر. جاعدايدى ءتۇسىندىرۋ جانە حالىقارالىق قۇقىق بۇزۋشىلىقتاردى بولدىرماۋ ماقساتىندا ق ت ج كەمەنى جالعا الۋشىعا بارلىق راستاۋشى قۇجاتتاردى (كەلىسىمشارتتار، كۋالىكتەر جانە ت. ب.) قوسا بەرە وتىرىپ، ءمان- جايدى جەدەل تۇردە ەگجەي- تەگجەيلى ءتۇسىندىرۋدى سۇراپ حات جولدادى. ق ت ج حالىقارالىق قۇقىق نورمالارىن ساقتاۋعا مىندەتتى ەكەنىن راستايدى»، - دەلىنگەن «قازاقستان تەمىر جولى» ۇ ك» ا ق باسپا ءسوز قىزمەتى تاراتقان مالىمدەمەدە.

بۇعان دەيىن دە كومپانيا قازاقستاندىق «جىبەك جولى» كەمەسىمەن ۋكراينادان استىق ەكسپورتتالىپ جاتقانىنا قاتىستى پىكىر بىلدىرگەن بولاتىن.


جاڭالىقتار