تالدىقورعاندا تەرىس ءدىني اعىمدى ۇستاناتىن جىگىت يمامدى سوققىعا جىقتى

تالدىقورعان. قازاقپارات - تالدىقورعاندا دەسترۋكتيۆتى ءدىني اعىمنىڭ جاقتاۋشىسى مەشىتتە يمامدى سوققىعا جىققان.

ول جەتى تاۋلىككە قاماۋعا الىندى، دەپ حابارلايدى قازاقپارات ءتىلشىسى.

«ماۋسىم ايىنىڭ باسىندا مەشىتتە ءدىني ءراسىم كەزىندە دەسترۋكتيۆتى اعىمدى جاقتاۋشىلار مەن يمام اراسىندا جايسىز جاعداي بولعان. قاقتىعىس ءراسىم اياقتالعاننان كەيىن مەشىت اۋماعىندا جالعاستى. سوزگە كەلىپ قالعان ەرلەردىڭ ءبىرى يمامعا جۇدىرىق الا جۇگىرىپ، ءدىن قىزمەتكەرىن سوققىعا جىققان»، - دەلىنگەن وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

ۆەدومستۆونىڭ اقپاراتىنا سايكەس، پوليتسيا شابۋىل جاساعان ادامدى ۇستادى.

ول 33 جاستاعى ءدىني دەسترۋكتيۆتى اعىمدى ۇستانۋشى بولىپ شىقتى.

ا ق ب ت ك- ءنىڭ 73-1-بابى بويىنشا ءىس قوزعالىپ (دەنساۋلىققا قاساقانا جەڭىل زيان كەلتىرۋ) سوتقا قاراۋ ءۇشىن جولداندى.

ەر ادام سوتتىڭ شەشىمىمەن جەتى تاۋلىككە قاماۋعا الىندى.