كيىك اتۋ جۇمىسى كىمگە جۇكتەلەدى - كوميتەت جاۋابى
1 شىلدە 21:14

كيىك اتۋ جۇمىسى كىمگە جۇكتەلەدى - كوميتەت جاۋابى

نۇر-سۇلتان. قازاقپارات - بيىل قازاقستانداعى كيىكتەردىڭ جالپى سانى 1 ميلليون 300 مىڭعا جەتتى.

بۇل اۋىل شارۋاشىلىعى القاپتارىنىڭ بۇلىنۋىنە اكەپ سوقتى، دەپ حابارلايدى قازاقپارات ءتىلشىسى.

ق ر ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ باسقارما باسشىسى قۋات شۋماقايەۆتىڭ ايتۋىنشا، باتىس قازاقستان، اقمولا جانە قوستاناي وبلىستارىنىڭ فەرمەرلەرىنەن شاعىم تۇسكەن.

ونىڭ ايتۋىنشا، زوولوگيا ينستيتۋتى كيىكتەردىڭ سانىن ءارى قاراي رەتتەۋ بويىنشا عىلىمي-بيولوگيالىق نەگىزدەمە دايىندادى. بۇل ماسەلە بويىنشا تۇپكىلىكتى شەشىم 7- شىلدەدە جاريالانادى.

قۋات شۋماقايەۆ كيىكتەردى جاپپاي اتۋعا جول بەرىلمەيتىنىن ايتتى.

«تاجىريبە كورسەتكەندەي، 1975-جىلى جالعىز رەت اۋەسقويلىق اتۋ جۇرگىزىلگەن جانە ول كيىك سانىنىڭ كۇرت تومەندەۋىنە جانە براكونەرلىكتىڭ ارتۋىنا الىپ كەلدى. عىلىمي ۇيىم ات جۇمىستارىن رەتتەۋدى سىلتاۋراتىپ كيىك اۋلاۋعا نيەت بىلدىرگەن بارلىق اڭشىلارعا ەمەس، ورمان شارۋاشىلىعى كوميتەتىنە باعىنىشتى مامانداندىرىلعان ۇيىمنىڭ جۇرگىزۋىن ۇسىنادى»، - دەدى ول.

سپيكەر كەلتىرگەن دەرەكتەر بويىنشا، بيولوگيالىق نەگىزگە سايكەس، الدىن الا اتۋ پايىزى ورال پوپۋلياتسياسى جالپى سانىنىڭ %10-80 مىڭ باس، بەتپاقدالا پوپۋلياتسياسىنىڭ %2,5 نەمەسە 9-10 مىڭ كيىكتى كورسەتىپ وتىر. ول كيىكتەردى 2025-جىلعا دەيىن ساتۋعا تىيىم سالعان كونۆەنتسيا بار ەكەنىن ەسكە سالدى.

ونى قازاقستان اۋماعىنان تىس جەرلەرگە شىعارۋ ماسەلەسى تۇرعان جوق.

جاڭالىقتار