ەكولوگيا مينيسترلىگى كاسپي يتبالىقتارىنىڭ نەدەن قىرىلعانىن ءتۇسىندىردى

نۇر-سۇلتان. قازاقپارات – ق ر ەكولوگيا، گەولوگيا جانە تابيعي رەسۋرستار مينيسترلىگى عالىمدارمەن بىرلەسىپ، قىرىلعان يتبالىقتاردىڭ ازۋ تىستەرىن قاراپ، زەرتتەۋ ارقىلى بىرنەشە قورىتىندى جاسادى، دەپ حابارلايدى قازاقپارات ءتىلشىسى.

مينيسترلىكتىڭ حابارلاۋىنشا، ولاردىڭ نەدەن قىرىلعانىن ناقتى انىقتاۋ مۇمكىن بولمادى، ويتكەنى تابىلعان يتبالىقتاردىڭ دەنەسى ىدىراپ كەتكەن.

«يتبالىقتاردىڭ جاڭا تۋعان اقكۇشىكتەرى مۇزبەن بىرگە اشىق تەڭىزگە شىققان نەمەسە ولار تىكەلەي تەڭىزدەگى سۋعا ءتۇسىپ، السىرەپ قالعان. وزدەرىڭىز بىلەتىندەي، بۇل ايماقتا 2021-2022-جىلدىڭ قىسى وتە جىلى بولدى، بۇل مۇز قۇرامىنا جانە ونىڭ قاتتى جابىنىنا تەرىس اسەر ەتتى، سايكەسىنشە تىرشىلىك ەتۋ كەزىندە نەمەسە قاتتى جەل سالدارىنان مۇز بولىنگەن. يتبالىقتار كۇشىكتەرمەن بىرگە اشىق تەڭىزدە قالعان جانە ءبىر-بىرىمەن بايلانىس ءۇزىلىپ، جاڭا تۋعان كۇشىكتەر السىرەپ ولگەن»، - دەدى ورمان شارۋاشىلىعى جانە جانۋارلار دۇنيەسى كوميتەتىنىڭ باس ساراپشىسى باقىتجان يساقايەۆ.

ونىڭ ايتۋىنشا، يتبالىق قاڭقالارىنان مەحانيكالىق زاقىمدار، ونىڭ ىشىندە زاڭسىز اۋلاۋ قۇرالدارىنا، تورعا تۇسكەنى انىقتالدى.

نەگىزىنەن بۇل تورلار بەكىرە تۇقىمداس بالىقتاردى اۋلاۋ ءۇشىن قويىلادى. كەمەلەردىڭ بۇراندالارىنان دا زاقىم الۋى مۇمكىن.

«عىلىمي قاۋىمداستىق پەن مەملەكەتتىك ورگاندار قاشاعان اۋدانىندا جۇرگىزىلىپ جاتقان تەرەڭدەتىلگەن جۇمىستار يتبالىقتاردىڭ تىرشىلىگىنە جانە ولاردىڭ قىرىلۋىنا سەبەپ بولا المايدى دەگەن قورىتىندىعا كەلدى»، - دەدى ول.

ەسكە سالا كەتسەك، بيىل ساۋىردە كاسپي تەڭىزىنىڭ ماڭعىستاۋ بولىگىنەن 94 ءولى يتبالىق تابىلدى. اراعا از ۋاقىت سالىپ، تاعى دا يتبالىقتاردىڭ ولەكسەسى تابىلدى.