س ءى م بولاشاق ديپلوماتتارعا ۇندەۋ جازىلعان «ۋاقىت كاپسۋلاسىن» سالدى
بۇل كاپسۋلانى ولاردىڭ ارىپتەستەرى تۋرا 30 جىلدان كەيىن، ۇلتتىق ديپلوماتيانىڭ 60 جىلدىعى اتالىپ وتىلەتىن 2052-جىلدىڭ 1- شىلدەسىندە اشۋى كەرەك. ءىس-شارا بارىسىندا ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى بولاشاق ديپلوماتتار وزدەرىنىڭ ءىزاشارلارىنىڭ جۇمىسىن لايىقتى جالعاستىرىپ، ەلىمىزدىڭ ۇلتتىق مۇددەلەرىن قورعاۋ مەن ىلگەرىلەتۋ جولىندا دا ايانباي تەر توگەتىنىنە سەنىم ءبىلدىردى.
سالتاناتتى شاراعا قاتىسۋشىلار الدىندا ءسوز سويلەگەن قازاق ديپلوماتياسىنىڭ قۇرمەتتى ارداگەرى، كورنەكتى مەملەكەت قايراتكەرى قۋانىش سۇلتانوۆ 30 جىلدان كەيىن قازاق ديپلوماتياسى بۇدان دا زور تابىستارعا جەتىپ، ەلىمىزدىڭ حالىقارالىق ارەناداعى بەدەلىن نىعايتۋعا ەلەۋلى ۇلەس قوساتىنىنا سەنىم ءبىلدىردى.
كاپسۋلاداعى بولاشاق ديپلوماتتارعا ارنالعان ۇندەۋدە قازاقستاننىڭ 30 جىلداعى الەمدەگى ۇستانىمى، قازىرگى ديپلوماتتار مەن قازاقستاننىڭ ديپلوماتيالىق قىزمەتى ارداگەرلەرىنىڭ قوشتاسۋ سوزدەرى مەن تىلەكتەرى جازىلعان.
ارنايى ورناتىلعان تۇعىرعا كاپسۋلانى سالۋ قۇرمەتتى ميسسياسى جاس ديپلوماتتار - ەۋروپا دەپارتامەنتىنىڭ اتتاشەسى التىناي دارىبايەۆا مەن ادامي رەسۋرستار دەپارتامەنتىنىڭ اتتاشەسى دامير احمەتوۆكە جۇكتەلدى.
سالتاناتتى ءىس-شاراعا س ءى م باسشىلىعى، قازاقستان رەسپۋبليكاسى ديپلوماتيالىق قىزمەتىنىڭ ارداگەرلەرى، قازىرگى ديپلوماتتار جانە مينيسترلىكتە ۇيىمداستىرىلعان «حالىقارالىق قاتىناستاردىڭ قازىرگى زامانعى جۇيەسىندەگى قازاقستان رەسپۋبليكاسى» اتتى حالىقارالىق كونفەرەنسياسىنىڭ باسقا دا قاتىسۋشىلارى قاتىستى.