الماتى پوليتسياسى ۇيلەنۋ تويىندا تۇسىرىلگەن ۆيدەونى تەكسەرىپ جاتىر
الەۋمەتتىك جەلىدە قازاق ەسترادا جۇلدىزدارىنىڭ قاتىسۋىمەن وتكەن تويدىڭ ۆيدەوسى پايدا بولدى. بەينەجازبادان تويعا كوپ قوناق كەلگەنىن، قازاقستاندىق ەسترادا جۇلدىزدارى ونەر كورسەتىپ، كوپتەگەن سىيلىق ويناتىلعانىن بايقاۋعا بولادى.
ويناتىلعان سىيلىقتار ىشىندە بەنزين قۇيۋعا ارنالعان تالوندار دا بار.
ۆيدەو اۆتورى بۇل پوليتسيا باسشىلارىنىڭ ءبىرىنىڭ ۇلىنىڭ تويى بولۋى مۇمكىن ەكەنىن ايتتى.
الماتى قالالىق پوليتسيا دەپارتامەنتى اتالعان ۆيدەوعا قاتىستى قىزمەتتىك تەرگەۋ باستالعانىن ءمالىم ەتتى.
«اۆتوردىڭ ايتقان سوزدەرى تاعايىندالعان قىزمەتتىك تەرگەۋ اياسىندا مۇقيات تەكسەرىلىپ جاتىر. قىزمەتتىك ءتارتىپتى بۇزۋ انىقتالعان جاعدايدا پوليتسيا قىزمەتكەرلەرىنە قاتىستى تارتىپتىك شارا قولدانىلادى»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.