مۇحتار تىلەۋبەردى قازاقستان سىرتقى ساياساتىنىڭ نەگىزگى باعىتتارىن اتادى

None
None
نۇر-سۇلتان. قازاقپارات - «حالىقارالىق قاتىناستاردىڭ قازىرگى زامانعى جۇيەسىندەگى قازاقستان رەسپۋبليكاسى» اتتى كونفەرەنسيا بارىسىندا ق ر سىرتقى ىستەر ءمينيسترى مۇحتار تىلەۋبەردى قازاقستان سىرتقى ساياساتىنىڭ نەگىزگى باعىتتارىن اتادى، دەپ حابارلايدى قازاقپارات ءتىلشىسى.

«سوڭعى جىلدارى تۇركى ەلدەرىنىڭ كووپەراتسيا ۇدەرىسى ايتارلىقتاي دامىپ كەلەدى. تۇركى كەڭەسى تۇركى مەملەكەتتەرىنىڭ تولىققاندى ۇيىمىنا اينالدىرىلىپ، «تۇركى كوزقاراسى- 2040» باعدارلاماسى قابىلداندى.

تۇركىستاننىڭ 2021-جىلى تۇركى الەمىنىڭ رۋحاني استاناسى بولىپ جاريالانۋىن - قازاقستاننىڭ تۇركى الەمىندەگى ءرولىن مويىنداۋ دەپ باعالاۋعا بولادى. بۇگىندە قازاقستان امەريكا قۇراما شتاتتارىمەن قارىم-قاتىناسىنىڭ جاڭا كەزەڭىن قالىپتاستىرىپ كەلەدى. كەڭەيتىلگەن ستراتەگيالىق ارىپتەستىك جونىندەگى كوميسسيا اياسىنداعى تۇراقتى جوعارى دەڭگەيدەگى كەزدەسۋلەر ساياسات جانە قاۋىپسىزدىك، ساۋدا جانە ينۆەستيتسيا ماسەلەلەرى بويىنشا ءوزارا ءتيىمدى ىنتىماقتاستىقتىڭ نەگىزى بولىپ سانالادى. ەۋروپالىق باعىتتا قازاقستان مەن ە و اراسىنداعى ءوزارا ءىس-قيمىل قولدانىستاعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدە جاسالعان ارتىقشىلىقتاردى بارىنشا پايدالانۋعا، ساۋدا جانە ينۆەستيتسيالىق ىنتىماقتاستىقتى نىعايتۋعا نەگىزدەلگەن»، - دەدى مينيستر.

ونىڭ اتاپ وتۋىنشە، ۇلى بريتانيانىڭ ە و- دان شىعۋىنا بايلانىستى مينيسترلىكتىڭ الدىندا قازاقستان-بريتان قارىم-قاتىناسىن رەفورمالاۋ مىندەتى تۇر.

«قازاقستان مەن ۇلى بريتانيا اراسىنداعى جاڭا ستراتەگيالىق ارىپتەستىك تۋرالى كەلىسىم بويىنشا جۇمىس ويداعىداي اياقتالدى. شىعىس ازيا ەلدەرىمەن قارىم-قاتىناسىمىز بۇگىندە جۇيەلى دامىپ كەلەدى. كەڭەيتىلگەن ستراتەگيالىق ارىپتەستىك رۋحىندا جاپونيامەن ساياسي ديالوگ جالعاسادى. وڭتۇستىك كورەيامەن ءوزارا ءىس-قيمىل پرەزيدەنت قاسىم-جومارت كەمەل ۇلى توقايەۆتىڭ وتكەن جىلدىڭ تامىز ايىندا سەۋلگە ساپارىنان كەيىن جاڭا سەرپىن الدى. وڭتۇستىك-شىعىس ازيا ەلدەرىمەن ىنتىماقتاستىقتىڭ ءوسىپ كەلە جاتقان الەۋەتىن پايدالانۋعا مۇددەلىمىز»، - دەدى مۇحتار تىلەۋبەردى.

ءمينيستردىڭ اتاپ وتۋىنشە، اۋعانستانداعى وقيعالار وڭتۇستىك ازيانىڭ گەوساياسي ماڭىزدىلىعىنا جاڭاشا كوزقاراسپەن قاراۋدى تالاپ ەتەدى.

دەمەك، پاكىستان مەن ءۇندىستان جاڭا كولىكتىك-لوگيستيكالىق باعىتتاردى دامىتۋ ناتيجەسىندە ورتالىق ازيا ەلدەرىنە وزدەرىنىڭ تەڭىز پورتتارىنا شىعۋدى قامتاماسىز ەتە الادى.

«ساياسي لاندشافتتىڭ ايتارلىقتاي قۇبىلۋىنا اكەلۋى مۇمكىن اۋقىمدى وزگەرىستەرگە بايلانىستى نازارىمىز ۇلكەن تاياۋ شىعىس ايماعىندا دا بولادى»، - دەدى ول.

سوڭعى جاڭالىقتار