بيىل قازاقستاندا قانداي حالىقارالىق ءىس-شارالار وتەدى
1 شىلدە 15:40

بيىل قازاقستاندا قانداي حالىقارالىق ءىس-شارالار وتەدى

نۇر-سۇلتان. قازاقپارات - «حالىقارالىق قاتىناستاردىڭ قازىرگى زامانعى جۇيەسىندەگى قازاقستان رەسپۋبليكاسى» اتتى حالىقارالىق كونفەرەنسيا بارىسىندا ق ر سىرتقى ىستەر ءمينيسترى مۇحتار تىلەۋبەردى بيىل ەلىمىزدە وتەتىن حالىقارالىق ءىس-شارالاردى اتادى، دەپ حابارلايدى قازاقپارات ءتىلشىسى.

«بيىل قازاق ديپلوماتياسى ءۇشىن حالىقارالىق وقيعالار وتە كوپ. قىركۇيەك ايىندا قازاقستان ەلوردامىزدا 2003-جىلدان بەرى وتكىزىلىپ كەلە جاتقان الەمدىك جانە ءداستۇرلى دىندەر ليدەرلەرىنىڭ 7-سەزىن قابىلداۋعا دايىندالۋدا. قازاقستان تولەرانتتىلىق، ءوزارا تۇسىنىستىك جانە مادەني ارتۇرلىلىك يدەولوگياسىن ناسيحاتتاۋ وشپەندىلىك پەن كەمسىتۋشىلىككە قارسى كۇرەستىڭ كىلتى ەكەنىنە سەنىمدى. بۇگىندە قازاقستان بەيبىتشىلىك پەن كەلىسىمدە ءومىر ءسۇرىپ جاتقان 18 كونفەسسيا مەن 100 دەن استام ەتنوس وكىلدەرىن بىرىكتىرەتىن 3800 دەن استام ءدىني بىرلەستىكتەر ءۇشىن قاۋىپسىز جانە جايلى مەكەن بولىپ سانالادى»، - دەدى مينيستر.

ونىڭ دەرەگىنشە، قازان ايىندا نۇر-سۇلتان قالاسىندا وتەتىن، قازاقستاندىق باستامانىڭ 30 جىلدىعىنا ورايلاستىرىلعان ازياداعى ءوزارا ءىس-قيمىل جانە سەنىم شارالارى كەڭەسىنىڭ 6-سامميتىنە دايىندىق ءجۇرىپ جاتىر.

«قازاقستاننىڭ ا و س ش ك- گە قازىرگى ءتوراعالىعى اياسىندا ا و س ش ك- ءتى حالىقارالىق ۇيىمعا اينالدىرۋدى باستاۋ باستى باسىمدىق بولىپ سانالادى. قازاقستاننىڭ 2022-2024-جىلدارعا ب ۇ ۇ- نىڭ ادام قۇقىقتارى جونىندەگى كەڭەسىنە سايلانۋى ءبىزدىڭ مەملەكەتتىڭ ۇلتتىق جانە حالىقارالىق دەڭگەيدە ادامنىڭ نەگىزگى قۇقىقتارى مەن بوستاندىقتارىن ىلگەرىلەتۋ جونىندەگى مىندەتتەمەسىن راستايدى. ەلىمىز ب ۇ ۇ- نىڭ ادام قۇقىقتارىن قورعاۋ سالاسىنداعى بارلىق ىرگەلى قۇجاتتارى مەن كونۆەنتسيالارىنا قوسىلدى. ادام قۇقىقتارى سالاسىنداعى ۇلتتىق زاڭنامانى حالىقارالىق ستاندارتتارعا سايكەستەندىرۋ بويىنشا جۇمىس تۇراقتى نەگىزدە جۇرگىزىلۋدە»، - دەدى مۇحتار تىلەۋبەردى.

جاڭالىقتار