سانكسيالىق تەكەتىرەس ە ا ە و قىزمەتىن ترانسفورماتسيالاۋدى تالاپ ەتەدى - مۇحتار تىلەۋبەردى
1 شىلدە 15:10

سانكسيالىق تەكەتىرەس ە ا ە و قىزمەتىن ترانسفورماتسيالاۋدى تالاپ ەتەدى - مۇحتار تىلەۋبەردى

نۇر-سۇلتان. قازاقپارات - سانكسيالىق تەكەتىرەس ەۋرازيالىق ەكونوميكالىق وداق قىزمەتىن ترانسفورماتسيالاۋدى تالاپ ەتەدى.

بۇل تۋرالى «حالىقارالىق قاتىناستاردىڭ قازىرگى زامانعى جۇيەسىندەگى قازاقستان رەسپۋبليكاسى» اتتى حالىقارالىق كونفەرەنتسيا بارىسىندا ق ر سىرتقى ىستەر ءمينيسترى مۇحتار تىلەۋبەردى ايتتى، دەپ حابارلايدى قازاقپارات ءتىلشىسى.

«قازاقستاننىڭ نەگىزگى ستراتەگيالىق سەرىكتەسى رەسەي فەدەراتسياسىمەن سىندارلى ءوزارا ءىس- قيمىل بۇرىنعىداي قارقىندى دامىپ كەلەدى. ەۋرازيالىق ينتەگراتسيانىڭ بەلسەندى جاقتاۋشىسى بولا وتىرىپ، ەلىمىز ءبىرقاتار وڭىرلىك ۇيىمداردىڭ - تاۋەلسىز مەملەكەتتەر دوستاستىعىنىڭ، ۇجىمدىق قاۋىپسىزدىك شارتى ۇيىمىنىڭ جانە ەۋرازيالىق ەكونوميكالىق وداقتىڭ نەگىزىن قالاۋشى بولدى»، - دەدى مينيستر.

ونىڭ اتاپ وتۋىنشە، قازاقستاننىڭ 2022 -جىلى ت م د- عا ءتوراعالىعىنىڭ باستى نازارى - مەملەكەتتەردىڭ تۇراقتى دامۋىنىڭ باستى فاكتورى رەتىندە ەكونوميكالىق ىنتىماقتاستىقتى ارتتىرۋ ارقىلى ۇيىم قىزمەتىنىڭ تيىمدىلىگىن ودان ءارى ارتتىرۋ.

«سانكسيالىق تەكەتىرەس ە ا ە و قىزمەتىن شىنىمەن دە ەركىن نارىق قۇرۋ ماقساتىندا ترانسفورماتسيالاۋ قاجەتتىلىگىن تالاپ ەتەدى. بۇل - قاۋىمداستىق ەكونوميكالارى ءوسۋىنىڭ ومىرلىك ماڭىزدى شارتى. ۇيىمنىڭ نەگىزگى مىندەتتەرى بەيبىتشىلىك پەن تۇراقتىلىقتى نىعايتۋ، مۇشە مەملەكەتتەردىڭ اۋماقتىق تۇتاستىعى مەن ەگەمەندىگىن قورعاۋ ەكەنىن ەسكەرسەك، قازاقستاننىڭ ۇ ق ش ۇ- عا قاتىسۋى ۇلتتىق جانە وڭىرلىك قاۋىپسىزدىكتى قامتاماسىز ەتۋ تۇرعىسىنان ەڭ ماڭىزدى باعىت بولىپ سانالادى»، - دەدى مۇحتار تىلەۋبەردى.



اۆتور: مارلان جيەمباي


جاڭالىقتار