قازاقستاندا ءبىر جىلدا ازىق-تۇلىك باعاسى قالاي وزگەردى؟
1 شىلدە 14:40

قازاقستاندا ءبىر جىلدا ازىق-تۇلىك باعاسى قالاي وزگەردى؟

نۇر-سۇلتان. قازاقپارات - رەسمي ستاتيستيكاعا سايكەس، قازاقستاندا ازىق- تۇلىك تاۋارلارىنىڭ باعاسى ءبىر جىلدا 20 پايىزعا وسكەن.

ال ازىق-تۇلىك ەمەس تاۋارلار 13,2 پايىزعا وسكەن، - دەپ حابارلايدى ۇلتتىق ستاتيستيكا بيۋروسىنىڭ باسپا ءسوز قىزمەتى.

«ماۋسىمداعى ينفلياتسيا جىلدىق ەسەپ بويىنشا 14,5 پايىز، ءبىر ايدا 1,6 پايىز بولعان. 2022 -جىلعى ماۋسىمدا ازىق- تۇلىك باعاسى بىلتىرعى ماۋسىممەن سالىستىرعاندا، 19,2 پايىزعا ءوستى»، - دەلىنگەن حابارلامادا.

ازىق- تۇلىك نارىعىندا قۇمشەكەر 78,7 پايىزعا، قىرىققابات 72,4 پايىزعا، پياز 69,3 پايىزعا وسكەن. كارتوپ باعاسى 9,8 پايىزعا تومەندەگەن.

بيۋرو ازىق- تۇلىك ەمەس تاۋارلار باعاسىنىڭ ءوسۋى 2022 -جىلعى ماۋسىمدا 2021 -جىلعى ماۋسىمعا قاراعاندا 13,2 پايىز بولعانىن اتاپ ءوتتى.

«جەكە پايدالانىلاتىن تاۋارلاردىڭ باعاسى 23 پايىزعا، تازالىق قۇرالدارىنا - 20,8 پايىزعا، تۇرمىستىق قۇرالدارعا - 19,7 پايىزعا، قۇرىلىس ماتەريالدارىنا - 18,6 پايىزعا، جيھاز بەن ۇيدەگى كەرەك- جاراققا - 18,2 پايىزعا، اۆتوموبيلدەرگە - 15,1 پايىزعا، ىدىس- اياققا - 13,9 پايىزعا، توقىما بۇيىمدارىنا - 10,8 پايىزعا، فارماتسيەۆتيكالىق ونىمگە - 9 پايىزعا كوتەرىلگەن»، - دەدى ۆەدومستۆو وكىلى.

اقىلى قىزمەت باعاسى ءبىر جىل ىشىندە 9,2 پايىزعا وسكەن.

«قوعامدىق تاماقتاندىرۋ قىزمەتىنە باعا دەڭگەيى 15,9 پايىزعا، دەنساۋلىق ساقتاۋ سالاسىنا - 14,7 پايىزعا، شيپاجايلارعا - 13,7 پايىزعا، كەشەندى دەمالىستى ۇيىمداستىرۋعا - 13,2 پايىزعا، شاشتارازدار مەن جەكە قىزمەت كورسەتۋ ورىندارىنىڭ قىزمەتىنە - 12 پايىزعا، قوناقۇيلەرگە - 5,7 پايىزعا ءوستى. جولاۋشىلار كولىگى قىزمەتى 4 پايىزعا قىمباتتادى»، - دەدى بيۋرو وكىلى.

ت ك ش سالاسىندا ەلەكتر ەنەرگياسىنا تاريفتەر 7,5 پايىزعا وسكەن، قوقىس شىعارۋعا - 2 پايىزعا، تاراتۋ جەلىلەرى ارقىلى تاسىمالداناتىن گازعا - 1,4 پايىزعا ءوستى، ال ورتالىق جىلىتۋعا - 2,3 پايىزعا، ىستىق سۋعا - 0,9 پايىزعا تومەندگەن.



Tengrinews.kz

جاڭالىقتار