قاڭتار وقيعاسى كەزىندە شىمكەنتتە ەشكىم وق اتۋعا رۇقسات بەرگەن جوق - مۇرات ايتەنوۆ
1 شىلدە 13:56

قاڭتار وقيعاسى كەزىندە شىمكەنتتە ەشكىم وق اتۋعا رۇقسات بەرگەن جوق - مۇرات ايتەنوۆ

شىمكەنت. قازاقپارات - قاڭتار وقيعاسى كەزىندە شىمكەنتتە ەشكىم وق اتۋعا رۇقسات بەرگەن جوق. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە قالا اكىمى مۇرات ايتەنوۆ ايتتى، دەپ حابارلايدى قازاقپارات ءتىلشىسى.

«شتابتا وق اتۋعا تاپسىرما بولماعان دا، بولمايدى دا. ال، ءبىراق بۇگىنگى كۇنى قۇقىق قورعاۋ قىزمەتكەرلەرىنىڭ ومىرىنە قاۋىپ ءتونىپ تۇرسا، زاڭعا سايكەس ءوز قارۋىن قولدانۋعا رۇقساتى بار»، - دەدى مۇرات دۇيسەنبەك ۇلى.

سونداي-اق، قالا اكىمى قاڭتار وقيعاسىنداعى ۆيدەونىڭ اشىق تۇردە ب ا ق ارقىلى كورسەتىلگەندىگىن جەتكىزدى.

«قولىنا تەمىر تەرسەك ۇستاعان ازاماتتار پوليتسيانى ۇرىپ جاتقانى جايىندا ۆيدەودا دا بار. ءبىز ونى اشىق تۇردە جەرگىلىكتى ب ا ق-تا كورسەتتىك. شىمكەنت قالاسىندا ۇستالعان ءتارتىپ بۇزۋشىلىلارعا ءتۇسىندىرۋ جۇمىستارى جۇرگىزىلدى. ايىبى دالەلدەنگەندەرگە سوت ارقىلى شەشىم شىعارىلدى»، - دەدى ول.

ايتا كەتەيىك، كەشە ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ شىمكەنت پروكۋرورلارى 35 كۇدىكتىنىڭ ءىسىن سوتقا بەرگەنىن مالىمدەگەن بولاتىن.

جاڭالىقتار