ءدال بۇگىندە رەسپۋبليكا بويىنشا قورقىنىشتى جاعداي جوق - «جاسىل» ايماقتامىز - اجار عينيات

نۇر-سۇلتان. قازاقپارات - ەلوردادا ءوتىپ جاتقان حالىقارالىق نەيروحيرۋرگيا فورۋمىنىڭ كۋلۋارىندا ق ر دەنساۋلىق ساقتاۋ ءمينيسترى اجار عينيات ەلدەگى ەپيدەميولوگيالىق احۋال تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«ءدال بۇگىندە رەسپۋبليكا بويىنشا قورقىنىشتى جاعداي جوق - «جاسىل» ايماقتامىز. ءبىزدىڭ اۋرۋحانالارىمىزدا جۇزدەگەن ادام ەم الىپ جاتىر. اۋرۋحانانىڭ التى-اق پايىزعا تولى. سونىڭ ىشىندە 4 ادامنىڭ دەنساۋلىق جاعدايى ناشار دەگەن قورىتىندىمەن دارىگەرلەرىڭ باقىلاۋىنا الىندى»، - دەدى مينيستر ب ا ق وكىلدەرىنىڭ ساۋالىنا بەرگەن جاۋابىندا.

ونىڭ مالىمەتى بويىنشا، رەسپبۋليكا «جاسىل» ايماقتا تۇرعاندىقتان، ازىرگە ماسكا رەجيمىن ەنگىزۋ كۇن تارتىبىندە تۇرعان جوق.

«وزدەرىڭىز بىلەسىزدەر، ەلىمىزدە ەپيدەميولوگيالىق جاعدايدى باقىلايتىن ماتريتسا بار. ەگەر وڭىرلەرىمىز «جاسىل» نەمەسە «قىزىل» ايماقتارعا ەنسە، ءتيىستى سانيتارلىق- ەپيدەميولوگيالىق شارالار قولدانىلادى. قازىرگى جاعدايدا «جاسىل» ايماقتا بولعاندىقتان ونداي شارالار جوق. ال ەگەر «سارى» ايماققا كىرگەن كەيبىر وڭىرلەردە اۋرۋشاڭدىق كوبەيىپ، قانداي دا ءبىر قاۋىپ-قاتەر تۋىنداسا، مينيسترلىك تاراپىنان سانيتالىق-ەپيدەميولوگيالىق دارىگەردىڭ تاراپىنان شارالار قولدانىلادى. بۇگىنگى تاڭدا الاڭداۋعا ەش نەگىز جوق. ءبىراق الدىمىزدى ويلاپ، قانداي دا ءبىر شارالاردى جوسپارلاپ قويامىز»، - دەدى اجار عينيات.

ايتا كەتەيىك، وتكەن تاۋلىكتە ەلىمىزدە 189 ادامنان كوروناۆيرۋس انىقتالدى.