الماتىدا ۇشەم دۇنيەگە كەلدى
ورتالىقتىڭ مالىمەتىنشە، جاڭا تۋعان نارەستەلەردىڭ ۇشەۋى دە قىز بالا. 1600 جانە 1400 گرام سالماقپەن تۋعان. ۇشەمدەر كەسىر تىلىگى ارقىلى دۇنيەگە كەلدى. بارلىق ۋاقىت بويى انا مەن سابيلەردىڭ دەنساۋلىعى قاتاڭ باقىلاۋدا بولدى.
«ءبىرىنشى قىز باستاپقىدا وزدىگىنەن تىنىس الدى. سالماعى تومەندەۋ ەكى قىز ءۇش كۇن وكپەنىڭ ينۆازيۆتى ەمەس جەلدەتۋ اپپاراتىندا رەانيماتسيادا جاتتى. جاعدايلارى تۇراقتانعان سوڭ، پاتولوگيا بولىمشەسىنە اۋىستىرىلدى. قازىر سابيلەردىڭ دەنساۋلىعىنا ەشقانداي قاۋىپ ءتونىپ تۇرعان جوق. بۇگىندە ولاردىڭ دەنساۋلىعى جاقسى، جاعدايى تۇراقتى»، - دەدى نارەستەلەر رەانيماتسياسى بولىمشەسىنىڭ مەڭگەرۋشىسى سانيات سۇلتانوۆا.
ايتا كەتەيىك، الماتىداعى پەريناتولوگيا جانە بالالار كارديوحيرۋرگياسى ورتالىعىندا جىل باسىنان بەرى 97 ەگىز جانە ءبىر ۇشەم دۇنيەگە كەلدى.