پەتروپاۆلدا العاش رەت ءبىر اپتا بويى «قىزىلجار مۋزىكا فەست» حالىقارالىق فەستيۆالى وتەدى
مادەنيەت، تىلدەردى دامىتۋ جانە ارحيۆ ءىسى باسقارماسىنىڭ مالىمەتىنشە، العاش رەت ۇيىمداستىرىلىپ وتىرعان Qyzyljar Music Fest - قالا تۇرعىندارى مەن قوناقتارى ءۇشىن ورەپ air فورماتىنداعى اۋقىمدى جوبا.
ءبىر اپتا بويى باس الاڭدا ءداستۇرلى جانە كلاسسيكالىق مۋزىكا، دجاز، ەسترادا، حورەوگرافيا ونەرىنىڭ كونسەرتتەرى وتەدى، «استانا- وپەرا» تەاترىنىڭ «جىبەك ساتى» وپەراسى قويىلادى.
پەتروپاۆلدا 1-شىلدەدە ساعات 19.00-دە فەستيۆالدىڭ سالتاناتتى اشىلۋى وتەدى، وعان ايماقتىڭ ۇلتتىق شىعارماشىلىق ۇجىمدارى مەن سوليستەرى، قازاق ۇلتتىق ءان اسپاپتار وركەسترى قاتىسادى. «سەگىز سەرى»، « ءالقيسسا» فولكلورلىق انسامبلدەرى، «ادەمى-اۋ»، «تۋعان جەر» بي انسامبلدەرى، ءداستۇرلى انشىلەر - جانات ايتبايەۆ پەن ءبىرجان ەسجانوۆ، عالىمجان نۇرپەيىسوۆ، ەركەبۇلان كارىپوۆ، «قۇرمەت» وردەنىنىڭ كاۆالەرى دامەش قۇرمانكينا، سونداي-اق فەستيۆال قوناقتارى ەرلان رىسقالي، نۇربولات ارزاماس قاتىسپاق.
1-شىلدەنىڭ تاقىرىبى ءداستۇرلى مۋزىكا بولادى. 2-شىلدە دجازعا ارنالادى. اقان سەرى اتىنداعى وبلىستىق فيلارمونيانىڭ ەسترادالىق جانە دجاز مۋزىكاسى وركەسترى، ەسترادالىق- سيمفونيالىق وركەستر ونەر كورسەتەدى.
3-شىلدە - حورەوگرافيا. باشقۇرتستان رەسپۋبليكاسىنىڭ «ايتۋعان» حالىق بي انسامبلى، جەرگىلىكتى بي انسامبلدەرى كورەرمەن كوڭىلىن كوتەرمەك.
4-شىلدەدە حالىق ءارتىسى ايمان مۇساقودجايەۆانىڭ جانە قاز ۇ ءو ۋ ستۋدەنتتىك سيمفونيالىق وركەسترىنىڭ كونسەرتىن تاماشالاۋعا بولادى. سونداي-اق وسى كۇنى ءانشى ميراس جۇگىنىسوۆ، اقان سەرى اتىنداعى وبلىستىق فيلارمونيا ارتىستەرى ونەر كورسەتپەك.
5-شىلدە - ماريو ستەفانو پەتروداركانىڭ (يتاليا، باندونەون)، «استانا- وپەرا» تەاترىنىڭ سوليسى باعدات ءابىلحانوۆ پەن ەسترادالىق-سيمفونيالىق وركەستردىڭ قاتىسۋىمەن تانىمال كلاسسيكالىق مۋزىكانىڭ كەشى وتەدى.
6-شىلدە - اقان سەرى اتىنداعى وبلىستىق فيلارمونيا ارتىستەرىنىڭ كونسەرتى، «استانا وپەرا» وپەرا جانە بالەت تەاترىنىڭ «جىبەك ساتى» وپەرا-فارسى كورەرمەنگە جول تارتادى.
7-شىلدە - كرەفەلد جانە مەنحەنگلادباح قالالارىنىڭ بىرىككەن تەاترىنىڭ سوليسى، ق ر ەڭبەك سىڭىرگەن ونەر قايراتكەرى، س ق و تۋماسى قايىرجان جولدىبايەۆتىڭ قاتىسۋىمەن گالا-كونسەرت ءوتىپ، فەستيۆالدىڭ جابىلۋى بولادى.