باتىس قازاقستاندا ۇشەم دۇنيەگە كەلدى
1 شىلدە 07:40

باتىس قازاقستاندا ۇشەم دۇنيەگە كەلدى

ورال. قازاقپارات - باتىس قازاقستان وبلىسىندا ۇشەم دۇنيەگە كەلدى، دەپ حابارلايدى قازاقپارات ءتىلشىسى.

ورال قالاسىنداعى وبلىستىق پەريناتالدىق ورتالىقتا اقمارال جۇمازوۆا 30-ماۋسىم كۇنى ءۇش قىز تاپتى. ۇشەمنىڭ اكەسى، جانىبەك اۋدانى جانىبەك اۋىلىندا تۇراتىن ەلدوس ساعادەتوۆتىڭ ايتۋىنشا، ولاردىڭ بۇدان بۇرىن ءبىر ۇل، ءبىر قىزى بار ەكەن. ەندى، مىنە، اقمارال ەكەۋى بەس بالانىڭ اتا-اناسى بولىپ شىعا كەلدى. قازىرگى كەزدە اقمارال مەن قىزدارى دارىگەرلەردىڭ باقىلاۋىندا. ءامينا، ءرامينا، ءمادينا اتانعان سابيلەردىڭ سالماعى 2600، 2400 جانە 1900 گرام.

«ومىرگە ءسابي اكەلۋ وڭاي ەمەس. ايتەۋىر ءبارى ويداعىداي بولعانىنا قۋانىشتىمىز. ەندى بالالارىمىز امان- ەسەن ءوسىپ كەتسە، ءبىز ءۇشىن سول باقىت»، دەدى ەلدوس بازارباي ۇلى.

ەلدوس اۋداندىق مەكتەپتەن تىس جۇمىستار ورتالىعىندا ۇستازدىق ەتۋمەن بىرگە قولونەرمەن دە اينالىسادى. استاۋ، بەسىك، دومبىرا جاساۋدىڭ حاس شەبەرى. اقمارال تالعات قىزى 1-مەكتەپ- ليتسەيدە فيزيكا پانىنەن ءدارىس بەرەدى. جانىبەكتىك تۇرعىنداردىڭ سوزىنە قاراعاندا، بۇل - اۋدان بويىنشا العاشقى ۇشەم.


جاڭالىقتار