رەيستى كەشىكتىرگەن اۋە كومپانيالارى ايىپپۇل ارقالاۋى مۇمكىن
30 ماۋسىم 21:15

رەيستى كەشىكتىرگەن اۋە كومپانيالارى ايىپپۇل ارقالاۋى مۇمكىن

نۇر-سۇلتان. قازاقپارات - اۋە رەيسى كەيىنگە شەگەرىلسە جاۋاپتى كومپانيا جولاۋشىلارعا زاڭ اياسىندا جاعداي جاساۋى ءتيىس.

شارت ورىندالماسا اۋە كومپانياسىنا 200 دەن 1000 ا ە ك- كە دەيىن ايىپپۇل سالىنادى، دەپ حابارلايدى قازاقپارات ءتىلشىسى.

«ازاماتتىق اۆياتسياداعى باستى ماقسات - جولاۋشىلاردى تاسىمالداۋ قاۋىپسىزدىگى. اۋە كومپانيالارى جولاۋشى قاۋىپسىزدىگى مەن قوسىمشا شىعىنداردى بولدىرماۋ ماقساتىندا كەستەگە ساي جۇمىس ىستەۋگە مۇددەلى بولۋى ءتيىس. اۋە رەيستەرى كەشىگۋىنىڭ نەمەسە كەيىنگە شەگەرىلۋىنىڭ نەگىزگى سەبەبى - اۋە كەمەسىنەن شىققان تەحنيكالىق اقاۋ نەمەسە اۋا رايىنىڭ قولايسىزدىعىنا بايلانىستى. وسىعان وراي رەيستەردىڭ كەشىگۋى اۋە تاسىمالى ءۇشىن قالىپتى قۇبىلىس»، - دەدى ق ر يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياتسيا كوميتەتى ءتوراعاسىنىڭ ورىنباسارى سالتانات تومپيەۆا و ك ق- دە بريفينگتە.

ونىڭ ايتۋىنشا، اۋە رەيسى كەشىككەن جاعدايدا قىزمەت كورسەتۋشى كومپانيا جولاۋشىعا زاڭ اياسىندا جاعداي جاساۋى ءتيىس.

«اۋە كومپانياسىنىڭ وكىلدەرى جولاۋشىعا 2 رەت قوڭىراۋ شالىپ ەسكەرتۋى كەرەك. سالقىن سۋسىن مەن ىستىق تاماق ۇسىنىپ، قوناق ۇيمەن قامتۋى قاجەت. سونىمەن قاتار جولاۋشىنى قوناق ۇيگە دەيىن جانە اۋەجايعا قايتا جەتكىزۋگە مىندەتتى. رەيستىڭ كەشىككەن ءار ساعاتى ءۇشىن تاسىمالداۋشى بيلەت قۇنىنىڭ %3 مولشەرىندە ايىپپۇل تولەيدى. جوعارىدا كورسەتىلگەن تالاپتاردى ورىنداماعان جاعدايدا اۋە كومپانياسى 200 دەن 1000 ا ە ك- كە دەيىن ايىپپۇل تۇرىندە اكىمشىلىك جاۋاپكەرشىلىككە تارتىلادى. ودان بولەك، قازىرگى ۋاقىتتا جولاۋشىلاردىڭ قۇقىعىن قورعاۋ ماقساتىندا اۋە رەيسى كەشىككەنىنە سالىنعان ايىپپۇلدى تولەمەگەنى ءۇشىن اكىمشىلىك جاۋاپكەرشىلىك ەنگىزۋ ماسەلەسى قاراستىرىلىپ جاتىر»، - دەيدى ول.

سونداي-اق، اۆياتسيا كوميتەتىنىڭ وكىلى قازاقستاندا 2016-جىلدان باستاپ اۋە كومپانيالارى بيلەت باعاسىن دەربەس جۇرگىزەتىنىن ەسكە سالدى.

بۇعان دەيىن ەلىمىز 2025-جىلعا دەيىن 45 اۋە كەمەسىن ساتىپ الاتىنىن حابارلاعان ەدىك.

جاڭالىقتار