الماتىدا كوروناۆيرۋستىڭ ستەلس-وميكرون شتامى تىركەلدى
30 ماۋسىم 20:59

الماتىدا كوروناۆيرۋستىڭ ستەلس-وميكرون شتامى تىركەلدى

الماتى. الماتىدا - COVID-19 جۇقتىرعاندار سانى ارتىپ كەلەدى. سوڭعى تاۋلىكتە 77 جاعداي تىركەلدى، دەپ حابارلايدى قازاقپارات ءتىلشىسى.

قالالىق سانيتاريالىق- ەپيدەميولوگيالىق باقىلاۋ دەپارتامەنتىنىڭ مالىمەتىنشە، ستەلس-وميكرون شتامىنىڭ تىركەلۋىنە بايلانستى، ىندەت جۇقتىرعاندار سانى ارتتى.

«ماۋسىمنىڭ 23- كۇنى رەفەرەنس-زەرتحاناعا پ ت س ر ناتيجەسى وڭ بولعان 74 سىناما جەتكىزىلدى، سونىڭ ناتيجەسى بويىنشا 58 (%78,4) سىناما ستەلس-مۋتاتسيانىڭ، 16 سىناما (%22) وميكرون-مۋتاتسيانىڭ ىقتيمالىن كورسەتتى (تولىق-گەنومدىق سەكۆەنيرلىك زەرتتەۋ جالعاسىپ، راستاۋ كۇتىلۋدە). بۇل ناتيجەلەر بۇگىنگى تاڭدا ورىن الىپ جاتقان COVID-19 وقيعالارىنىڭ ءورشۋىنىڭ سەبەپكەرى ۆيرۋستىڭ ستەلس-وميكرون ءتۇرى ەكەنىن انىقتادى»، - دەپ حابارلادى دەپارتامەنتتىڭ باسپا ءسوز قىزمەتىنەن.

بۇگىنگى تاڭعا قالىپتاسقان قارقىنمەن COVID-19 اۋرۋى جالعاسا بەرسە، الماتى قالاسى د س م كوروناۆيرۋستىڭ ەپيدەميولوگيالىق جاعدايىن باعالاۋ ماتريتساسىنىڭ سارى ايماعىنا (بەلگىلى شەكتەۋلەردى قولدانۋعا ماجبۇرلەيتىن) كوپ ۇزاماي، 100 مىڭ تۇرعىندىق كورسەتكىش 25,0 گە جەتكەندە، ءوتۋى ابدەن مۇمكىن.

وسى جاعدايدىڭ الدىن الۋ، بولدىرماۋ ماقساتىندا قالا تۇرعىندارىن ۆاكسيناتسيالاۋ مەن ريەۆاكسيناتسيالاۋ قاجەت، اسىرەسە مۇلدەم ۆاكسينا الماعانداردى. ۆەدومستۆودان اتاپ وتكەندەي، ەپيدەميولوگيالىق جاعدايدى باعالاۋ ماتريتساسىندا الماتى «جاسىل ايماقتا» تۇر، ماۋسىم ايىندا بارلىعى 497 ادامنان كوروناۆيرۋس انىقتالدى.

ناۋقاستاردىڭ كوپشىلىگى، ياعني بۇل 275 ادام، مۇلدەم ەكپە الماعان، 112 ءسى تولىق ەكپە العان، ءبىراق جارتى جىلدان كەيىن ءتيىستى ريەۆاكسيناتسيادان وتپەگەن.

«جالپى يممۋنيتەتى السىرەگەندەر مەن جوقتار اۋرۋعا شالدىققانداردىڭ %84 ىن قۇرادى. بۇل جاعداي ۆاكسيناتسيا مەن ريەۆاكسيناتسيا الماعاندار ستەلس-وميكرونىنا شالدىعىپ جاتقانىنا دالەل»، - دەپ قوستى دەپارتامەنت وكىلدەرى.

سونداي-اق ۆاكسينانى ءبىر جىلدان استام ۋاقىت بۇرىن العانداردىڭ دا ۆيرۋس جۇقتىرۋى مۇمكىن. ستەلس-وميكروننىڭ السىرەگەن يممۋنيتەتتى بۇزىپ، اعزاعا ەنەتىن قابىلەتى جوعارى.

«بۇگىنگى تاڭعا قالىپتاسقان قارقىنمەن COVID-19 اۋرۋى جالعاسا بەرسە، الماتى قالاسى كوروناۆيرۋستىڭ ەپيدەميولوگيالىق جاعدايىن باعالاۋ ماتريتساسىنىڭ سارى ايماعىنا ءوتۋى ابدەن مۇمكىن. وسى جاعدايدىڭ الدىن الۋ، بولدىرماۋ ماقساتىندا قالا تۇرعىندارىن ۆاكسيناتسيالاۋ مەن ريەۆاكسيناتسيالاۋ قاجەت، اسىرەسە مۇلدەم ۆاكسينا الماعانداردى»، - دەپ اتاپ ءوتتى ۆەدومستۆودان.

جاڭالىقتار