قاڭتار وقيعاسىن تەرگەۋ نەگىزىنەن تارتىپسىزدىك پەن تەرروريزمگە قاتىستى ءجۇرىپ جاتىر
30 ماۋسىم 20:44

قاڭتار وقيعاسىن تەرگەۋ نەگىزىنەن تارتىپسىزدىك پەن تەرروريزمگە قاتىستى ءجۇرىپ جاتىر

نۇر-سۇلتان. قازاقپارات - قاڭتار وقيعاسىنا قاتىستى تەرگەۋ جۇمىسى نەگىزىنەن جاپپاي تارتىپسىزدىك جانە تەرروريزم اكتىلەرى بويىنشا جۇرگىزىلىپ جاتىر.

بۇل تۋرالى ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى، دەپ حابارلايدى قازاقپارات ءتىلشىسى.

«قىلمىستىق قۋدالاۋ ورگاندارىمەن قاڭتار وقيعاسىنىڭ بارلىق سەبەبى مەن ءمان-جايىن انىقتاۋ باعىتىندا جۇمىس جالعاسىپ جاتىر. جۇمىستىڭ نەگىزگى كولەمى جاپپاي تارتىپسىزدىكتەر مەن تەرروريزم اكتىلەرىمەن جۇرگىزىلۋدە. ىستەر بويىنشا مىڭنان استام ادام كۇدىكتى دەپ تانىلدى. ارقايسىمەن جاۋاپ الۋ، بەتتەستىرۋ، وقيعا ورنىن ناقتىلاۋ جانە باسقا كەشەندى تەرگەۋ ارەكەتتەرى جۇرگىزىلەدى»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ ايتۋىنشا، تەك ارنايى پروكۋرورلاردىڭ ىستەرى بويىنشا 30 مىڭنان استام تەرگەۋ ارەكەتى جۇرگىزىلگەن.

ساراپتاما ۇيىمدارىنىڭ وندىرىسىندە ءۇش مىڭنان استام زەرتتەۋ بار.

«بۇكىل جۇمىس قىلمىسقا ءار قاتىسۋشىسىنىڭ ءرولىن انىقتاۋ، ونىڭ ارەكەتتەرىن وبەكتيۆتى باعالاۋ جانە زاڭدى پروتسەستىك شەشىم قابىلداۋ ءۇشىن جاسالادى. تولىق، وبەكتيۆتى جانە جان-جاقتى تەرگەۋ جۇرگىزۋ ءۇشىن قىلمىستىق قۋدالاۋ ورگاندارى بۇكىل كۇش-جىگەرىن جۇمساپ جاتىر»، - دەدى باس پروكۋراتۋرا وكىلى.

جاڭالىقتار