قازاقستانداعى ەكى ۇيالى بايلانىس كومپانياسى باعانى نەگىزسىز ءوسىردى دەپ تەرگەلىپ جاتىر
«كسەل» ا ق- عا قاتىستى: ازاماتتاردىڭ ۇيالى بايلانىس وپەراتورلارىنىڭ باعا وسىمىنە ءجيى جۇگىنۋىنە بايلانىستى باسەكەلەستىكتى قورعاۋ جانە دامىتۋ اگەنتتىگى 2020-2021-جىلدارى ۇيالى بايلانىس جانە موبيلدى ينتەرنەت قىزمەتتەرىنىڭ تاريفتەرىن تالدادى.
قۇرامىنا «كسەل» اق جانە «موبايل تەلەكوم-سەرۆيس» ج ش س كىرەتىن «قازاق تەلەكوم» ا ق توبىنىڭ (%35 استام) ۇستەم جاعدايى انىقتالدى. «كسەل» ا ق تالداۋ كەزەڭىندە ۇيالى بايلانىس (ورتا ەسەپپەن 756 تەڭگە) جانە موبيلدى ينتەرنەت (ورتا ەسەپپەن 1765 تەڭگە) قىزمەتتەرىنە ەڭ جوعارى باعا بەلگىلەدى.
مىسالى، ءبىرقاتار وپەراتورلاردا ۇيالى بايلانىس قىزمەتتەرىنە ەڭ تومەنگى باعا ورتا ەسەپپەن 332 تەڭگەنى، موبيلدى ينتەرنەت قىزمەتتەرىنە - ورتا ەسەپپەن 1022 تەڭگەنى قۇرادى.
مونوپولياعا قارسى زاڭنامانى بۇزۋ بەلگىلەرىنىڭ انىقتالۋىنا بايلانىستى، ۇيالى بايلانىس جانە ينتەرنەت قىزمەتتەرىنە مونوپوليالىق جوعارى باعالاردى بەلگىلەۋ بەلگىلەرى بويىنشا «كسەل» ا ق- عا قاتىستى تەرگەپ-تەكسەرۋ باستالدى.
«موبايل تەلەكوم-سەرۆيس» ج ش س- عا قاتىستى: 2020-2021-جىلدارى SMS- تاراتۋ قىزمەتتەرى نارىعىنداعى باعا مونيتورينگىنىڭ قورىتىندىسى بويىنشا اگەنتتىك باسقا بايلانىس وپەراتورلارىمەن سالىستىرعاندا «موبايل تەلەكوم-سەرۆيس» ج ش س- نىڭ باعا وسىرگەنىن انىقتادى.
بايلانىس وپەراتورلارى 2021-جىلى 2020-جىلمەن سالىستىرعاندا SMS- تاراتۋ تاريفتەرىن ورتا ەسەپپەن %14,03 عا ارتتىرعان.
بۇل رەتتە، ەڭ جوعارى ورتاشا باعا «قازاق تەلەكوم» ا ق توبىنا كىرەتىن «موبايل تەلەكوم- سەرۆيس» ج ش س- دا جانە «كار-تەل» ج ش س- مەن سالىستىرعاندا «كسەل» ا ق وپەراتورلارىندا تىركەلدى.
باعانىڭ ەڭ جوعارى ءوسىم قارقىنى «موبايل تەلەكوم-سەرۆيس» ج ش س مەن «كسەل» ا ق- دا تىركەلدى.
SMS- تاراتۋ قىزمەتىنە مونوپوليالىق جوعارى باعا بەلگىلەۋ بەلگىلەرى بويىنشا «موبايل تەلەكوم- سەرۆيس» ج ش س قاتىستى تەرگەپ-تەكسەرۋ باستالدى.